Nitish Kumar Reddy: తొలి టెస్ట్ సెంచరీ తోనే రికార్డులు సృష్టించిన నితీష్ కుమార్ రెడ్డి!!

Nitish Kumar Reddy: ఆస్ట్రేలియా వేదికగా జరుగుతున్న ప్రతిష్ఠాత్మక బోర్డర్-గావస్కర్ ట్రోఫీలో విశాఖపట్నం యువ క్రికెటర్ నితీశ్ కుమార్ రెడ్డి తన మొదటి అంతర్జాతీయ శతకంతో అందరినీ ఆశ్చర్యపరిచాడు. మెల్‌బోర్న్ క్రికెట్ గ్రౌండ్‌లో ఆస్ట్రేలియాతో జరిగిన నాలుగో టెస్టు మ్యాచ్‌లో జట్టు కష్టాల్లో ఉన్న సమయంలో నితీశ్ ఆడిన ఇన్నింగ్స్ భారత క్రికెట్‌కు కొత్త హారతి చూపించింది. 171 బంతుల్లో 10 ఫోర్లు, 1 సిక్స్ సాయంతో తన శతకాన్ని పూర్తిచేసిన నితీశ్, ఆసీస్ బౌలింగ్‌ను సమర్థవంతంగా ఎదుర్కొని భారత జట్టుకు మంచి స్కోర్ అందించాడు.

Nitish Kumar Reddy Creates New Record

నితీశ్ కుమార్ రెడ్డి తన సెంచరీతో అతి చిన్న వయసులో ఆస్ట్రేలియా గడ్డపై శతకం సాధించిన మూడో భారత ఆటగాడిగా నిలిచాడు. ఈ జాబితాలో సచిన్ టెండూల్కర్, రిషబ్ పంత్‌ల తరువాత నితీశ్ పేరు చిరస్థాయిగా నిలిచింది. 2024లో మెల్‌బోర్న్ వేదికగా 21 ఏళ్ల 216 రోజుల వయసులో శతకం సాధించిన నితీశ్, సచిన్ టెండూల్కర్ (18 ఏళ్లు, 256 రోజులు), రిషబ్ పంత్ (21 ఏళ్లు, 92 రోజులు) తర్వాత ఈ ఘనత సాధించాడు. టెస్టు మ్యాచ్‌లలో చిన్న వయసులోనే అంతర్జాతీయ క్రికెట్‌లో చోటు సంపాదించడం, ఆస్ట్రేలియా వంటి కఠిన పిచ్‌లపై ప్రదర్శన చేయడం అతని ప్రతిభకు నిదర్శనమని చెప్పాలి.

ఈ సిరీస్‌లో నితీశ్ కుమార్ రెడ్డి 8 సిక్సర్లతో మరో రికార్డు సాధించాడు. ఓకే సిరీస్‌లో 8 సిక్సర్లు కొట్టిన మైఖేల్ వాన్, క్రిస్ గేల్ సరసన చేరిన భారత ఆటగాడిగా అతను గుర్తింపు పొందాడు. ఈ సిరీస్‌లో ఇప్పటివరకు అతని బలమైన స్ట్రోక్‌ప్లే, అనుభవజ్ఞత చూపించింది. ముఖ్యంగా వాషింగ్టన్ సుందర్‌తో కలసి భాగస్వామ్యం నెలకొల్పి జట్టుకు మరింత స్థిరత్వాన్ని అందించాడు.

నితీశ్ కుమార్ రెడ్డి తన ఆటతీరుతో భారత క్రికెట్ అభిమానులకు గొప్ప ప్రేరణగా నిలుస్తున్నాడు. అతి చిన్న వయసులోనే టెస్టు క్రికెట్‌లో అరంగేట్రం చేసి, ఆస్ట్రేలియా గడ్డపై శతకం సాధించడం అతని గణనీయ ప్రతిభను సూచిస్తుంది. జట్టుకు అవసరమైనప్పుడు బాధ్యతను తీసుకుని అద్భుత ప్రదర్శన చేసిన నితీశ్, భవిష్యత్‌లో భారత క్రికెట్‌కు కీలక ఆటగాడిగా నిలవనున్నాడని నిపుణులు భావిస్తున్నారు.