తిరువీర్ నటించిన తాజా సినిమా ‘ఓ..! సుకుమారి’ కథ గురించి ఆసక్తికరమైన విషయాలు బయటకు వచ్చాయి. ఈ సినిమాలో హీరోయిన్ ఒక ప్రత్యేకమైన హెల్త్ కండిషన్ తో బాధపడుతుంది – ఆమె గుండె వేగం నార్మల్ కంటే ఎక్కువైతే శరీరం నుంచి ఎలక్ట్రిక్ షాక్ జనరేట్ అవుతుంది. అలాంటి సమస్య ఉన్న అమ్మాయి ప్రేమలో పడితే ఏం జరుగుతుంది? ప్రేమ సక్సెస్ అయ్యిందా? వారి జీవితం సజావుగా సాగిందా? ఈ ప్రశ్నలన్నింటికీ సమాధానమే ఈ సినిమా అంటున్నారు హీరో తిరువీర్.
Sukumaari story electric twist
ఇంతకీ, ‘ఓ..! సుకుమారి’ అనేది ఒక రూరల్ ఫ్యామిలీ ఎంటర్టైనర్. ఈ సినిమాలో తిరువీర్కి జోడీగా ఐశ్వర్య రాజేశ్ నటించింది. దర్శకుడు భరత్ దర్శన్ సిద్ధిపేట నుంచి రావడం విశేషం. ఈ మధ్య చాలామంది దర్శకులు తమ సొంత ప్రాంతాల కథలను, క్యారక్టర్లను ప్రేక్షకుల ముందుకు తీసుకురావడానికి ఎక్కువ ఇంట్రెస్ట్ చూపిస్తున్నారు. ఈ సినిమా పూర్తిగా తెలంగాణ బ్యాక్గ్రౌండ్లో సాగుతుంది. ఇది నవ్వించడంతో పాటు భావోద్వేగాలకు కూడా గురి చేస్తుందని తిరువీర్ చెప్పారు.
ఈ సినిమా ప్రపంచవ్యాప్తంగా ఈ నెల 17న తెలుగు, తమిళం, కన్నడ, మలయాళం, హిందీ భాషల్లో రిలీజ్ అవుతుంది. మంగళవారం హైదరాబాద్లో జరిగిన మీడియా మీట్లో తిరువీర్ మాట్లాడుతూ, దర్శకుడు భరత్ దర్శన్ పల్స్ తెలిసిన డైరెక్టర్ అని, భవిష్యత్తులో కమర్షియల్ డైరెక్టర్గా ఎదుగుతారని అభిప్రాయపడ్డారు. ఈ సినిమా చాలా ఇళ్లల్లో పిల్లలు అడిగే ‘మసూద’, ‘ప్రీ వెడ్డింగ్’ లాంటి సినిమాల వరసలో నిలుస్తుందని ఆశాభావం వ్యక్తం చేశారు.
తిరువీర్ మాట్లాడుతూ, బ్యాక్గ్రౌండ్ స్కోర్ లేకుండా కూడా ఈ సినిమాని చూసి కనెక్ట్ అయ్యాను. అంటే ఇది నిజంగా మంచి సినిమా. ప్రేక్షకులు కూడా అలాగే కనెక్ట్ అవుతారని నా ఫీలింగ్ అని తెలిపారు. మహేశ్వర్ రెడ్డి మూలి నిర్మాతగా వ్యవహరిస్తున్న ఈ సినిమా అరుదైన కాన్సెప్ట్తో ప్రేక్షకుల ముందుకు రాబోతోంది. ఫ్యామిలీతో కలిసి చూసేందుకు పర్ఫెక్ట్ ఎంటర్టైన్మెంట్ ఇది అని చెప్పవచ్చు.
