భారతీయ జనతా పార్టీ యువమోర్చా ఆధ్వర్యంలో పూణె నగరంలో వెలసిన బీజేపీ పోస్టర్లు ప్రస్తుతం రాజకీయ వర్గాలలో తీవ్ర చర్చకు దారితీశాయి. విపక్షాలు మరియు కాక్రోచ్ జనతా పార్టీ దేశవ్యాప్తంగా నిర్వహిస్తున్న ఆందోళనలను లక్ష్యంగా చేసుకుంటూ ఈ పోస్టర్లను ఏర్పాటు చేశారు. “బొద్దింకలా కాకుండా మచ్చర్‌లా ఉండు” అనే నినాదంతో పాటు ఫ్లైదుబాయ్ విమాన కెప్టెన్ స్మిచ్ మచ్చర్ ఫోటోతో కూడిన ఈ పోస్టర్లు సోషల్ మీడియాలో సైతం విస్తృతంగా వైరల్ అయ్యాయి. ముఖ్య ఎన్నికల కమిషనర్ జ్ఞానేశ్ కుమార్ రాజీనామా డిమాండ్‌తో విపక్షాలు చేపడుతున్న నిరసనల నేపథ్యంలో ఈ పరిణామం ప్రాధాన్యం సంతరించుకుంది.
BJP Posters Pune Sparks Political
ఈ వివాదానికి ప్రధాన కారణమైన ఘటన సెప్టెంబర్ 30వ తేదీన దుబాయ్ నుంచి టెల్ అవీవ్‌కు బయలుదేరిన ఫ్లైదుబాయ్ ఫ్లైట్ FZ1073లో చోటుచేసుకుంది. విమానం ప్రయాణంలో ఉన్న సమయంలో కెప్టెన్ స్మిత్ మచ్చర్‌పై కో-ఫైలట్ దాడికి పాల్పడగా, తీవ్ర గాయాలపాలైనప్పటికీ ఆయన కాక్‌పిట్ తలుపు తెరిచి ప్రయాణికులు, సిబ్బంది సహాయంతో విమానాన్ని సురక్షితంగా ల్యాండ్ చేశారు. ఈ సాహస ఘటనపై అమెరికా ప్రతినిధుల సభలో కెప్టెన్ స్మిత్ మచ్చర్‌ను సత్కరించేందుకు ఒక తీర్మానం కూడా ప్రవేశపెట్టారు. అయితే ఒక వ్యక్తిగత ధైర్యసాహసాలను మరియు పైలట్ సాహసాన్ని రాజకీయ ప్రచారానికి ఉపయోగించడం సరికాదని కొందరు విమర్శిస్తుండగా, మరికొందరు మాత్రం ఈ పద ప్రయోగాన్ని ప్రశంసిస్తున్నారు.
మరోవైపు ఎన్నికల సంఘం తీరును, ముఖ్య ఎన్నికల కమిషనర్ జ్ఞానేశ్ కుమార్ విధానాలను వ్యతిరేకిస్తూ కాక్రోచ్ జనతా పార్టీ జాతీయ స్థాయిలో ఆందోళనలకు సిద్ధమవుతోంది. CJP చీఫ్ స్పోక్స్‌పర్సన్ సౌరవ్ దాస్ అక్టోబర్ 10న ఢిల్లీలోని జంతర్ మంతర్ వద్ద భారీ నిరసన చేపట్టనున్నట్లు అధికారికంగా ప్రకటించారు. SIR ప్రక్రియకు సంబంధించిన ఆరోపణలు, ఎన్నికల సంఘంలో సంస్కరణలు మరియు జ్ఞానేశ్ కుమార్ రాజీనామా ప్రధాన డిమాండ్లుగా ఈ ఆందోళన కొనసాగనుంది. ఈ నిరసన కోసం అక్టోబర్ 7న ఢిల్లీ పోలీసులకు సమాచారం అందించినప్పటికీ, పోలీసులు అనుమతి నిరాకరించినట్లు వార్తలు వెలువడ్డాయి.
జ్ఞానేశ్ కుమార్ రాజీనామా చేసినా లేదా చేయకపోయినా ఎన్నికల సంఘంలో సంస్కరణల సాధన కోసం తమ పోరాటం ఆగదని CJP నాయకులు స్పష్టం చేస్తున్నారు. దేశవ్యాప్తంగా యువత పెద్దఎత్తున తరలివచ్చి ‘దిల్లీ చలో’ నినాదంతో ఉద్యమంలో పాల్గొనాలని వారు పిలుపునిచ్చారు. ఈ నేపథ్యంలో పుణెలో బీజేపీ యువమోర్చా ఏర్పాటు చేసిన ‘మచ్చర్ వర్సెస్ కాక్రోచ్’ పోస్టర్లు రాజకీయ వ్యూహాల్లో భాగంగా నిలిచాయి. ఒకవైపు విపక్షాల నిరసనలు ఉధృతమవుతుండగా, మరోవైపు ఈ పోస్టర్ల అంశం రాబోయే రోజుల్లో ఎలాంటి రాజకీయ పరిణామాలకు దారితీస్తుందనే ఆసక్తి వ్యక్తమవుతోంది.
మరింత అప్‌డేట్స్ కోసం: ఇక్కడ చూడండి
