ఢిల్లీలో శనివారం కాక్రోచ్ జనతా పార్టీ నిర్వహించతలపెట్టిన భారీ నిరసన నేపథ్యంలో, కన్నాట్‌ప్లేస్ సమీపంలో సీజేపీకి వ్యతిరేకంగా మరియు ఢిల్లీ పోలీసులకు మద్దతుగా మరో నిరసన ప్రదర్శన ప్రారంభమైంది. ఈ నేపథ్యంలో ఢిల్లీ పోలీసులు కట్టుదిట్టమైన చర్యలు తీసుకుని ఎక్కడికక్కడ కఠిన ఆంక్షలు విధించడంతో పాటు, సీజేపీ నేతలు అభిజిత్ దీప్కే, సౌరవ్ దాస్, అశుతోష్ రాంకాలను విమానం నుంచే అరెస్ట్ చేశారు. ఈ పరిణామాలు దేశ రాజధానిలో తీవ్ర ఉద్రిక్తతకు దారితీశాయి.
Delhi Protest CJP Police Crackdown
ఎలక్టోరల్ రోల్స్ సవరణల నేపథ్యంలో చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా డిమాండ్ చేస్తూ జంతర్ మంతర్ వద్ద సీజేపీ నిరసనకు పిలుపునిచ్చిన విషయం తెలిసిందే. ఈ క్రమంలో ఢిల్లీ వ్యాప్తంగా సుమారు 25 వేల మంది పోలీసు మరియు పారామిలిటరీ బలగాలను మోహరించారు. సుమారు 45 మెట్రో స్టేషన్లలో ప్రవేశాలపై ఆంక్షలు విధించడంతో పాటు, ఎయిర్‌పోర్టులు, గురుగ్రామ్, చండీగఢ్, ముంబైలలో కూడా అరెస్టులు చోటుచేసుకున్నాయి.
తాజా నిరసనలో పాల్గొన్న పెద్ద సంఖ్యలోని యువత తమకు ఏ రాజకీయ పార్టీతో సంబంధం లేదని, తామంతా దేశభక్తులమని స్పష్టం చేస్తూ పోస్టర్లు, బ్యానర్లు ప్రదర్శించారు. ప్రధాని నరేంద్ర మోదీకి, ఢిల్లీ పోలీసులకు మద్దతు తెలుపుతూ నినాదాలు చేశారు.
ఈ ఘటనలపై అధికారిక వర్గాలు మరియు భద్రతా బలగాలు మరింత నిఘా పెంచాయి. రాజధానిలో శాంతిభద్రతల పరిరక్షణ కోసం తదుపరి చర్యలను కట్టుదిట్టం చేశారు. నిరసనల ఉధృతిని బట్టి పోలీసులు మరిన్ని భద్రతా చర్యలను అమలు చేసే అవకాశం ఉంది.
మరింత అప్‌డేట్స్ కోసం: ఇక్కడ చూడండి
