Carom Seeds: జలుబు, దగ్గుకు ‘వాము’ బెస్ట్ మెడిసన్ ?
Carom Seeds: వాము ఆరోగ్యానికి చాలా మంచిది. చాలామంది దీనిని నోట్లో వేసుకొని తినడానికి ఆసక్తిని చూపిస్తారు. ముఖ్యంగా కఫం సంబంధం సమస్యలు, దగ్గు, జలుబు నుంచి ఉపశమనం పొందడానికి చాలా మంది వాముని తింటూ ఉంటారు. అయితే ఆరోగ్యానికి మంచిదే కదా అనే వామును అధికంగా తీసుకున్నట్లయితే అనారోగ్య సమస్యలు వచ్చే అవకాశం ఉందని ఆరోగ్య నిపుణులు చెబుతున్నారు. వాము తీసుకోవడం వలన ఎలాంటి సమస్యలు వస్తాయో చూద్దాం.
Carom seeds Benefits, Uses and Side Effects
గుండెలో మంట, దీర్ఘకాలి గ్యాస్ సమస్యలతో బాధపడేవారు అధికంగా వామును తీసుకుంటారు. కానీ దీని వలన గుండెలో మంట తగ్గించడానికి బదులుగా యాసిడ్ రిఫ్లెక్స్ వంటి సమస్యలు పెరుగుతాయి. అలర్జీ ఉన్నవారు వాముకు దూరంగా ఉండాలి. వీరు పొరపాటున వాము తింటే తల తిరగడం, వికారం వంటి సమస్యలు వస్తాయి.
వాము నోట్లో మంట కలిగించే అనేక సమ్మేళనాలు కలిగి ఉంటుంది. అయితే దీనిని అతిగా తినడం వలన నోట్లో పుండ్లు ఏర్పడతాయి. గర్భంతో ఉన్నవారు వాముకు దూరంగా ఉండడం చాలా మంచిది. వాము కడుపులోని పిండం అభివృద్ధిని అడ్డుకుంటుంది. దానివల్ల గర్భిణీ స్త్రీలకు అనారోగ్య సమస్యలు తలెత్తుతాయి. కడుపులోని బిడ్డకు అసలు మంచిది కాదు.