Devara: తెలుగు సినీ ప్రేక్షకులు ఈ ఏడాది పెద్దగా ఆశించిన స్థాయిలో వినోదాన్ని అనుభవించలేకపోయారు. సంక్రాంతికి విడుదలైన ‘గుంటూరు కారం’ నిరాశపరిచింది. ఆ తర్వాత విడుదలైన ‘కల్కి’ మాత్రమే ఘనవిజయం సాధించింది. ఇప్పుడు, ‘కల్కి’ తర్వాత రెండు నెలలకు ‘దేవర’ సినిమా విడుదలకు సిద్ధమవుతోంది. ట్రైలర్‌కు మిశ్రమ స్పందన వచ్చినప్పటికీ, ‘దేవర’పై ఆసక్తి ఏమాత్రం తగ్గలేదు. అడ్వాన్స్ బుకింగ్స్‌లో ఈ సినిమా దూసుకుపోతోంది. తెలుగు రాష్ట్రాలతో పాటు కర్ణాటక, యుఎస్‌లోనూ అద్భుతమైన ప్రీ సేల్స్ నమోదు అవుతున్నాయి.
Can “Devara” Surpass “Kalki 2898 AD” Records
హైదరాబాద్‌లో ఈ శుక్రవారం 95 శాతం థియేటర్లలో ‘దేవర’నే ప్రదర్శించబోతున్నారు. మల్టీప్లెక్సులు కూడా మెజారిటీ షోలను ఈ చిత్రానికే కేటాయించాయి. అడ్వాన్స్ బుకింగ్స్ కూడా అద్భుతంగా జరుగుతున్నాయి. ఈ నేపథ్యంలో, హైదరాబాద్‌లో ప్రీ సేల్స్ ద్వారా అత్యధిక వసూళ్లు సాధించిన చిత్రాల్లో ‘దేవర’ రెండో స్థానానికి ఎగబాకింది. విడుదలకు రెండు రోజుల ముందే ఈ చిత్రం రూ.13 కోట్ల గ్రాస్ వసూలు చేసింది. ఇంతకుముందు రెండో స్థానంలో ఉన్న ‘సలార్’ చిత్రాన్ని ఇది అధిగమించింది.
Also Read: Pawan Kalyan: మళ్ళీ గెలికిన ప్రకాష్ రాజ్.. ఈ సారి DCM పవన్ రచ్చ రచ్చ చేస్తాడా?
ఈ లిస్టులో ‘కల్కి 2898 ఏ.డి.’ అగ్రస్థానంలో ఉంది. ‘దేవర’ ఆ మార్కును అందుకోవడం కష్టం కావచ్చు, కానీ ‘సలార్’, ‘ఆర్ఆర్ఆర్’, ‘గుంటూరు కారం’ వంటి సినిమాలను దాటేయడం చిన్న విషయం కాదు. ట్రైలర్‌కు మిశ్రమ స్పందన వచ్చినప్పటికీ, ఈ స్థాయిలో హైప్ నిలకడగా ఉండటం గొప్ప విషయమే. ఇక డే-1 ఓపెనింగ్స్‌లోనూ ‘దేవర’ సంచలనం రేపుతుందని తెలుస్తోంది. భారతదేశంలో డే-1 గ్రాసర్స్‌లో టాప్-5లో ఈ సినిమా నిలవడం ఖాయం.