Rahul Gandhi: తెలుగు సినీ నటి అమల, మంత్రి కొండా సురేఖ తన భర్త అక్కినేని నాగార్జునపై చేసిన వ్యాఖ్యలపై తీవ్రంగా స్పందించారు. సోషల్ మీడియాలో తన ఆగ్రహాన్ని వ్యక్తం చేస్తూ, “ఓ మంత్రి అయి ఉండి ఇంత దారుణంగా మాట్లాడటం, కల్పిత ఆరోపణలు చేయడం అత్యంత దారుణం. వారి రాజకీయ లాభాల కోసం మంచి మనుషులను లక్ష్యంగా చేసుకోవడం సరియైనది కాదు” అని చెప్పారు.
Amala Urges Rahul Gandhi to Restrain Political Comments on Nagarjuna
అమల పేర్కొంటూ, “మేడమ్ మినిస్టర్, మీరు నిజాలు తెలుసుకోకుండా నా భర్తపై అపనిందలు వేశారని మండిపడ్డారు. మీకు తెలిసినవారు తప్పుడు కథనాలు చెబుతున్నారా? ఇది సిగ్గుచేటు” అని ఆందోళన వ్యక్తం చేశారు. రాజకీయ నాయకులు ఇంత దారుణంగా ప్రవర్తిస్తే మన దేశం ఎలా ఉండాలి? అని ప్రశ్నించారు.
తన ట్వీట్‌లో రాహుల్ గాంధీని ఉద్దేశించి అమల, “రాహుల్ గాంధీ గారూ, మీరు మానవత్వం, మర్యాదలను నమ్మితే, మీ రాజకీయ నాయకులను క్రమంలో ఉంచుకోండిగా” అన్నారు. ఆమె తన కుటుంబానికి క్షమాపణ చెప్పాలని డిమాండ్ చేస్తూ, మంత్రి చేసిన విషపూరిత వ్యాఖ్యలను వెనక్కి తీసుకోవాలని సూచించారు. ఇలాంటి వ్యక్తుల నుండి దేశ ప్రజలను రక్షించమని కోరారు.
అక్కినేని అమల భర్తపై చేసిన అవాస్తవ ఆరోపణలపై స్పందించడం తెలుగు రాష్ట్రాల్లో చర్చనీయాంశంగా మారింది. రాజకీయ నాయకుల బాధ్యతారహిత వ్యాఖ్యలపై ప్రజలు తమ అభిప్రాయాలను వ్యక్తం చేస్తున్నారు.