Vishwam Movie: గోపీచంద్, శ్రీను వైట్ల కాంబినేషన్‌లో రూపొందిన విశ్వం సినిమా అక్టోబర్ 11, 2024న గ్రాండ్‌గా విడుదలకాబోతోంది. టాలీవుడ్‌లో చాలా గ్యాప్ తర్వాత శ్రీను వైట్ల దర్శకత్వం వహిస్తున్న ఈ సినిమా పై భారీ అంచనాలు ఉన్నాయి. ఈ సినిమా గోపీచంద్ కెరీర్‌కు కీలకమైనది, ఎందుకంటే ఆయనకు కూడా హిట్ అవసరం ఎంతో ఉంది. గత కొన్ని చిత్రాలు బాక్సాఫీస్ వద్ద ఆశించిన స్థాయిలో రాణించకపోవడంతో, విశ్వం విజయంపై గోపీచంద్ ఆశలు పెట్టుకున్నారు.
Budget Rumors Surround Gopichand Vishwam Movie
సినిమా ప్రమోషన్‌లో భాగంగా విడుదలైన ట్రైలర్, పాటలు ప్రేక్షకుల మద్దతు పొందాయి. గోపీచంద్ లుక్, యాక్షన్ సీక్వెన్సులు, శ్రీను వైట్ల మార్క్ కామెడీ ట్రైలర్‌లో ప్రధాన ఆకర్షణలుగా నిలిచాయి. సినిమా విజువల్స్ కూడా రిచ్‌గా ఉండటం మరో హైలైట్. అయితే, సినిమాకు సంబంధించిన బడ్జెట్ గురించి కొన్ని పుకార్లు వినిపిస్తున్నాయి. నిర్మాణ వ్యయాలు అనుకున్న దానికంటే ఎక్కువ అయ్యాయని, దీని వల్ల నిర్మాతలపై ఆర్థిక భారం పడిందని ప్రచారం జరుగుతోంది.
Also Read: Emraan Hashmi: తెలుగు సినిమా సెట్స్ లో బాలీవుడ్ స్టార్ హీరో కి ప్రమాదం!!
ఈ వార్తలను ఖండిస్తూ, శ్రీను వైట్ల “సినిమా అనుకున్న బడ్జెట్‌లోనే పూర్తయిందని” స్పష్టం చేశారు. “మా అనుభవం, సాంకేతిక నిపుణుల సపోర్ట్‌తో విశ్వం గ్రాండ్‌గా తెరకెక్కింది. ముందుగా చేసిన ప్లానింగ్స్, సమయాన్ని, డబ్బును ఆదా చేశాయి” అని ఆయన వివరించారు.
కావ్య తాపర్ హీరోయిన్‌గా నటిస్తున్న ఈ చిత్రంలో ప్రకాష్ రాజ్, రావు రమేష్ కీలక పాత్రలు పోషిస్తున్నారు. చేతన్ భరద్వాజ్ సంగీతం అందించిన ఈ సినిమా ఈ శుక్రవారం ప్రేక్షకుల ముందుకు రానుంది. గోపీచంద్, శ్రీను వైట్ల ఈ సినిమాతో బ్లాక్ బస్టర్ సాధిస్తారో లేదో చూడాలి.