Devara sequel: పుష్ప స్ట్రాటజీ దేవర కి వర్క్ అవుట్ అయ్యేనా.. పులి నక్క వాత పెట్టుకున్నట్లు!!
Devara sequel: టాలీవుడ్ ప్రముఖ దర్శకుడు కొరటాల శివ ఇటీవల తెరకెక్కించిన “దేవర: పార్ట్ 1” సినిమా బాక్సాఫీస్ వద్ద బ్లాక్‌బస్టర్ హిట్‌గా నిలిచింది. ఈ సినిమాలో మాస్ హీరో ఎన్టీఆర్ పాత్రను మరియు అతని పెర్ఫార్మెన్స్‌ను ప్రేక్షకులు ఆదరించారు. ఈ సినిమాకు అపారమైన విజయాన్ని తీసుకువచ్చిన కొరటాల శివ, ఇప్పుడు ఈ సినిమాకు సీక్వెల్ “దేవర: పార్ట్ 2” ను రూపొందించేందుకు సిద్ధమయ్యారు. ప్రస్తుతం ఈ సినిమాకు సంబంధించిన స్క్రిప్ట్ పనులు పూర్తి చేస్తున్నాడు.
Devara sequel to include mass sequences
అయితే, “దేవర: పార్ట్ 1” ఓటీటీ ద్వారా విడుదలైన తర్వాత కొంతమేర నెగెటివ్ ఫీడ్‌బ్యాక్ వచ్చింది. ఈ ఫీడ్‌బ్యాక్‌ను దృష్టిలో ఉంచుకుని, కొరటాల శివ స్క్రిప్ట్‌లో కొన్ని మార్పులు చేయాలని నిర్ణయించుకున్నారు. ఈ మార్పులకు సంబంధించి, కొరటాల శివ “పుష్ప 2” సినిమా స్రాటజీని అనుసరిస్తున్నట్లు సమాచారం. “పుష్ప 2” సినిమాలో నార్త్ ఆడియెన్స్‌ను ఆకట్టుకున్న జాతర ఎపిసోడ్ వంటి మాస్ సీక్వెన్స్‌లను “దేవర: పార్ట్ 2″లో కూడా చేర్చాలని ప్లాన్ చేస్తున్నట్లు తెలుస్తోంది.
ఇందులో భాగంగా, “దేవర: పార్ట్ 2” ను కూడా నార్త్ ఆడియెన్స్‌కు మరింత దగ్గర చేయాలని కొరటాల భావిస్తున్నారు. ఈ చిత్రంలో జాన్వీ కపూర్ హీరోయిన్‌గా నటించగా, సైఫ్ అలీ ఖాన్ విలన్ పాత్రలో కనిపిస్తున్నారు. ఈ సినిమాకు ప్రముఖ సంగీత దర్శకుడు అనిరుధ్ రవిచందర్ సంగీతం అందిస్తున్నారు.