IPL 2025 లో ఈ కొత్త ట్రెండ్ చూస్తున్నారా? అయితే ఫలించని వ్యూహం!!
IPL 2025: ఐపీఎల్ 2025లో “రిటైర్డ్ అవుట్” అనే పదం తీవ్ర చర్చకు దారితీస్తోంది. తాజా సీజన్‌లో ముంబై ఇండియన్స్‌ బ్యాటర్ తిలక్ వర్మ, చెన్నై సూపర్ కింగ్స్ ఓపెనర్ డెవాన్ కాన్వే లాంటి ప్రముఖ ఆటగాళ్లు మ్యాచ్ మధ్యలో ఔట్ కాకుండానే మైదానాన్ని వీడి వెళ్లారు. దీనిపై ప్రేక్షకులు, విశ్లేషకులు పెద్ద ఎత్తున ప్రశ్నలు వేస్తున్నారు. ముఖ్యంగా Retired Hurt vs Retired Out మధ్య ఉన్న తేడా స్పష్టంగా అర్థం చేసుకోవాలి.
IPL 2025 Retired Out Strategy
రిటైర్డ్ హర్ట్ (Retired Hurt) అనేది ఆటగాడు గాయపడినప్పుడు మైదానం వదిలి వెళ్లడాన్ని సూచిస్తుంది. అతడు కోలుకున్న తరువాత తిరిగి క్రీజులోకి వచ్చి బ్యాటింగ్ చేయవచ్చు. ఇది ఒక సాధారణ cricket rule కాగా, దీనిపై ఎటువంటి చర్చ ఉండదు. కానీ రిటైర్డ్ అవుట్ (Retired Out) అనేది వ్యూహాత్మక నిర్ణయం – ఆటగాడు ఆటలో కొనసాగించలేడని భావించి టీమ్ మేనేజ్‌మెంట్ అతడిని బయటకు పిలుస్తుంది. అయితే ఇది ‘ఔట్’గా పరిగణించబడుతుంది.
IPL 2025లో, ముంబై వర్సెస్ లక్నో మ్యాచ్‌లో తిలక్ వర్మను రిటైర్డ్ అవుట్ చేశారు. అయితే తర్వాత వచ్చిన ఆటగాడు ప్రభావం చూపించలేకపోయాడు. అదే విధంగా చెన్నై వర్సెస్ పంజాబ్ మ్యాచ్‌లో డెవాన్ కాన్వేను రిటైర్డ్ అవుట్ చేసి జడేజాను పంపారు – కానీ అతడు కూడా త్వరగా ఔట్ అయ్యాడు.
ఈ రెండు సందర్భాల్లోను రిటైర్డ్ అవుట్ వ్యూహం ఫలించలేదు. దీనితో పాటు, క్రికెట్ ప్రియుల్లో ఈ తరహా వ్యూహాలపై సందేహాలు పెరిగాయి. IPLలో ఇది ఓ controversial tactic అయింది. కానీ ఇది నిబంధనలకు విరుద్ధం కాదు. ఇకపై జట్లు దీనిని ఎప్పుడెప్పుడు ఉపయోగిస్తాయో చూడాలి.