Kanappa: మంచు విష్ణు నిర్మాణంలో రూపొందుతున్న భారీ బడ్జెట్ చిత్రం ‘కన్నప్ప’. ఈ ప్రాజెక్టులో స్టార్ హీరోలు ప్రభాస్, మోహన్ లాల్, మోహన్ బాబు వంటి వారు నటిస్తున్నారు. ఎప్పటినుండో ఎంతో ఆసక్తిని కలిగిస్తున్న ఈ సినిమా ప్రస్తుతం షూటింగ్ దశలో ఉంది. అయితే, ఈ తరుణంలో ప్రభాస్ లుక్ లీక్ అవడం చిత్ర బృందానికి పెద్ద తలనొప్పిగా మారింది. భారీ అంచనాలతో నిర్మాణంలో ఉన్న ఈ చిత్రంలోప్రభాస్ లాంటి నటుడి లుక్ లీక్ అవ్వడంతో అభిమానులు, చిత్రబృందం ఎంతో నిరాశకు గురయ్యారు.
Kanappa Team Pleads Not to Share Leaked Prabhas Photo
ఈ అంశంపై చిత్ర బృందం అధికారికంగా స్పందిస్తూ సోషల్ మీడియాలో ఒక లేఖను విడుదల చేసింది. ఈ లేఖ ద్వారా చిత్ర యూనిట్ ప్రభాస్ అభిమానులు, ఇతర సినీ ప్రేమికులను ఈ విషయమై సహకరించాలని కోరింది. లేఖలో “కన్నప్ప ప్రాజెక్ట్ కోసం మేము ఎనిమిదేళ్లుగా కష్టపడుతున్నాము. ఈ రెండు సంవత్సరాలుగా మా బృందం అనేక సవాళ్లను ఎదుర్కొంటూ ఎంతో శ్రమించింది. కానీ, ఈ పరిస్థితిలో ప్రభాస్ లుక్ లీక్ కావడం నిజంగా బాధాకరం. ఈ ఫొటో లీక్ మా కృషిని మాత్రమే కాకుండా, ఈ ప్రాజెక్ట్ పై పని చేస్తున్న వీఎఫ్ఎక్స్ కళాకారుల జీవితాలను కూడా ప్రభావితం చేస్తోంది” అంటూ తమ ఆవేదనను వ్యక్తం చేశారు.
Also Read: Anchor Soumya: తినడానికి తిండిలేక ఆపని చేశాను..యాంకర్ సౌమ్యారావు ఎమోషనల్ ఇంటర్వ్యూ!!
ఇంకా, ఈ ఫొటో లీక్ వెనుక నిజాలను కనుగొనే క్రమంలో చట్టపరమైన చర్యలు తీసుకుంటున్నామని ప్రకటించారు. “లీక్ జరిగిన ఈ ఫొటోను ఎవరూ షేర్ చేయవద్దని మనవి. ఈ ఫొటోను షేర్ చేసిన వారిపై చట్టపరమైన చర్యలు తీసుకుంటాము. అలాగే, ఈ ఫొటోను ఎవరు లీక్ చేశారో కనుగొనేందుకు రూ.5 లక్షల బహుమతి అందిస్తాము” అని తెలియజేశారు. దీనికి సంబంధించి ఎవరికి ఎలాంటి సమాచారం ఉంటే, 24 ఫ్రేమ్స్ ఫ్యాక్టరీ ఎక్స్ (ట్విట్టర్) ఖాతాకు నేరుగా మెసేజ్ పంపించాలని సూచించారు.
ఈ విధంగా ‘కన్నప్ప’ చిత్రబృందం ప్రభాస్ లుక్ లీక్ విషయంలో తీవ్రంగా స్పందిస్తూ, అభిమానులను తమతో కలిసి ఈ ప్రాజెక్ట్ స్ఫూర్తిని కాపాడటానికి సహకరించాలని విజ్ఞప్తి చేసింది. ఈ సంఘటన తెలుగు చిత్రసీమలో చర్చనీయాంశంగా మారింది. భారీ అంచనాలు ఉన్న ఈ చిత్రంలో లుక్స్ లీక్ కావడం, మరోవైపు చిత్రబృందం ఈ సమస్యపై పకడ్బందీగా స్పందించడంతో ప్రేక్షకులు మరింత ఆసక్తితో ఈ ప్రాజెక్ట్ పై దృష్టి పెట్టారు.