MANIT Bhopal: 55 నాన్ టీచింగ్ ఉద్యోగాల భర్తీ.. 12వ తరగతి పాస్ అయితే చాలు?

MANIT Bhopal: 55 నాన్ టీచింగ్ ఉద్యోగాల భర్తీ.. 12వ తరగతి పాస్ అయితే చాలు?

భోపాల్‌లోని మౌలానా ఆజాద్ నేషనల్ ఇన్‌స్టిట్యూట్ ఆఫ్ టెక్నాలజీలో 55 గ్రూప్ బి, గ్రూప్ సి నాన్-టీచింగ్ పోస్టుల భర్తీకి నోటిఫికేషన్ విడుదలైంది. అర్హత కలిగిన అభ్యర్థులు ఆన్‌లైన్ ద్వారా దరఖాస్తు చేసుకోవాలని సంస్థ కోరింది. ఈ రిక్రూట్‌మెంట్‌ ద్వారా సూపరింటెండెంట్, సీనియర్ అసిస్టెంట్, జూనియర్ అసిస్టెంట్, టెక్నికల్ అసిస్టెంట్, టెక్నీషియన్ వంటి వివిధ విభాగాల్లో ఖాళీలను భర్తీ చేయనున్నారు.

MANIT Bhopal Recruitment 2026 Non

మొత్తం 55 ఖాళీలలో 15 గ్రూప్ బి పోస్టులు, 40 గ్రూప్ సి పోస్టులు ఉన్నాయి. సెవెంత్ సెంట్రల్ పే కమిషన్ ప్రకారం పే లెవల్ 3, 4 మరియు 6 కింద ఎంపికైన వారికి జీతభత్యాలు ఉంటాయి. జూనియర్ అసిస్టెంట్, సీనియర్ అసిస్టెంట్ పోస్టులకు దరఖాస్తు చేసే అభ్యర్థులు గుర్తింపు పొందిన బోర్డు నుండి 12వ తరగతి ఉత్తీర్ణులై ఉండాలి. వీరికి కంప్యూటర్ పరిజ్ఞానంతో పాటు నిమిషానికి కనీసం 35 పదాల టైపింగ్ వేగం తప్పనిసరి అని నోటిఫికేషన్‌లో పేర్కొన్నారు.

టెక్నీషియన్ పోస్టులకు సంబంధిత విభాగంలో ఐటిఐ, డిప్లొమా లేదా సైన్స్ సబ్జెక్టులతో ఇంటర్ పూర్తి చేసిన వారు దరఖాస్తు చేసుకోవచ్చు. 60 శాతం మార్కులతో ఇంటర్ సైన్స్ లేదా 50 శాతం మార్కులతో ఇంటర్ మరియు ఐటిఐ సర్టిఫికేట్ ఉన్నవారు అర్హులు. టెక్నికల్ అసిస్టెంట్ వంటి ఇతర ఉన్నత స్థాయి పోస్టులకు సంబంధిత సబ్జెక్టులలో డిగ్రీ లేదా పీజీ పూర్తి చేసి ఉండాలి. పోస్టును బట్టి విద్యార్హతలు మారుతుంటాయి కాబట్టి అభ్యర్థులు జాగ్రత్తగా పరిశీలించాలి.

ఇవి కూడా చదవండి:

ఆన్‌లైన్ దరఖాస్తు ప్రక్రియ ఇప్పటికే ప్రారంభం కాగా, డిసెంబర్ 10, 2026 వరకు దరఖాస్తు చేసుకునేందుకు అవకాశం కల్పించారు. అభ్యర్థులు అధికారిక వెబ్‌సైట్‌లోని రిక్రూట్‌మెంట్ సెక్షన్ ద్వారా తమ వివరాలను నమోదు చేయాల్సి ఉంటుంది. ఎంపిక ప్రక్రియలో భాగంగా దరఖాస్తుల పరిశీలన తర్వాత రాత పరీక్ష, స్కిల్ టెస్ట్ లేదా ట్రేడ్ టెస్ట్ నిర్వహించి తుది జాబితాను ప్రకటిస్తారు. దరఖాస్తుకు ముందు వయోపరిమితి, రిజర్వేషన్లు మరియు ఫీజు వివరాలను పూర్తిస్థాయిలో తెలుసుకోవడం ఉత్తమం.

మరిన్ని వార్తల కోసం..


చరిత్ర కథలు ఇష్టమా? మా తాజా హిస్టరీ వీడియో చూడండి: భారతదేశాన్ని ఆశించిన డచ్ వారు ఎవరు?

Visited 1 times, 1 visit(s) today