Sunrisers Hyderabad: సరైన వ్యూహంతో తో దిగుతున్న సన్ రైజర్స్ జట్టు.. తుది జట్టు ఇలానే ఉంటుందేమో?

Sunrisers Hyderabad: ఐపీఎల్ 2025 మెగా వేలంలో సన్‌రైజర్స్ హైదరాబాద్ కీలక ఆటగాళ్లను ఎంపిక చేసుకున్న విషయం తెలిసిందే. ఇప్పటికే హెన్రిచ్ క్లాసేన్, ప్యాట్ కమిన్స్, అభిషేక్ శర్మ, ట్రావిస్ హెడ్, నితీశ్ కుమార్ రెడ్డిలను రిటైన్ చేసుకున్న సన్ రైజర్స్ మరో 15 మంది ఆటగాళ్లను వ్యూహాత్మకంగా వేలంలో కొనుగోలు చేసింది. రూ. 45 కోట్ల బడ్జెట్‌తో బరిలోకి దిగిన సన్‌రైజర్స్, జట్టును బలోపేతం చేసే ఉద్దేశంతో తన వ్యూహాలను అమలు చేసింది.

New hopes for Sunrisers Hyderabad fans

సన్‌రైజర్స్ జట్టు యువ వికెట్ కీపర్ ఇషాన్ కిషన్‌ను రూ. 11.25 కోట్లకు సొంతం చేసుకోవడం విశేషం. జట్టులో ఇప్పటికే క్లాసేన్ ఉన్నప్పటికీ, ఇషాన్ మిడిలార్డర్ బ్యాటర్‌గా కీలక పాత్ర పోషించే అవకాశం ఉంది. బౌలింగ్ విభాగాన్ని బలపర్చేందుకు భారత స్టార్ పేసర్ మహ్మద్ షమీని రూ. 10 కోట్లకు, హర్షల్ పటేల్‌ను రూ. 8 కోట్లకు కొనుగోలు చేసింది. అదనంగా, ఇంగ్లాండ్ పేసర్ బ్రైడన్ కార్సేను రూ. 1 కోటికి తీసుకోవడం ద్వారా తమ వేగ బౌలింగ్ విభాగానికి మరింత బలం చేకూర్చింది.

స్పిన్ విభాగంలో కూడా సన్‌రైజర్స్ సమర్థ వంతమైన ఆటగాళ్లను చేర్చుకుంది. రాహుల్ చాహర్, ఆడమ్ జంపా, జీషన్ అన్సారీ వంటి అనుభవజ్ఞులు జట్టులో చేరారు. యువతకు అవకాశమిస్తూ, అభినవ్ మనోహర్‌ను రూ. 3.20 కోట్లకు కొనుగోలు చేయడం విశేషం. అంతేకాకుండా, శ్రీలంక ఆటగాళ్లు ఇషాన్ మలింగ, కామిందు మెండిస్‌లను జట్టులో చేర్చడం ద్వారా జట్టుకు మరింత అనుభవాన్ని జత చేసింది. ఇక అథర్వ టైడే, అనికేత్ వర్మ, సచిన్ బేబీ వంటి ఆటగాళ్లను కూడా తీసుకోవడం ప్రత్యేకత.

సన్‌రైజర్స్ హైదరాబాద్ తుది జట్టు దాదాపు ఇదే అని తెలుస్తుంది. అభిషేక్ శర్మ, ట్రావిస్ హెడ్,ఇషాన్ కిషన్, నితీశ్ కుమార్ రెడ్డి, హెన్రిచ్ క్లాసేన్, కామిందు మెండిస్, సచిన్ బేబీ, ప్యాట్ కమిన్స్, మహ్మద్ షమీ, హర్షల్ పటేల్, రాహుల్ చాహర్‌లు ఉండే అవకాశముంది. ఈ కొత్త జట్టుతో సన్‌రైజర్స్ హైదరాబాద్ ఐపీఎల్ 2025లో అద్భుత ప్రదర్శన చేస్తుందని అభిమానులు ఆశిస్తున్నారు. ఈ ఆటగాళ్లతో బలమైన వ్యూహాలు చేసి జట్టు విజయానికి మార్గదర్శకంగా నిలుస్తాయని నమ్ముతున్నారు.