Pawan Kalyan: ఢిల్లీలో డిప్యూటీ సీఎం.. నేతలతో కీలక చర్చలు!!
Pawan Kalyan: ఏపీ డిప్యూటీ సీఎం పవన్ కళ్యాణ్ రాష్ట్ర అభివృద్ధి కోసం ఢిల్లీలో పలు కీలక చర్చలను జరిపారు. కేంద్ర మంత్రులతో సమావేశమై, రాష్ట్ర ప్రయోజనాలను కాపాడుకోవడంలో మరింత ముందడుగు వేయాలని ఆయన ప్రయత్నిస్తున్నారు. ముఖ్యంగా రాష్ట్ర అభివృద్ధికి అవసరమైన నిధులు, అనుమతులు అందుకునేందుకు ఆయన తీవ్రంగా కృషి చేస్తున్నారు. రోడ్డు నిర్మాణం, రైల్వే, పర్యాటకం వంటి రంగాల్లో కేంద్రం నుంచి అనుమతులు, నిధులు అందించేలా చర్చలు జరుగుతున్నాయి.
Pawan Kalyan Meets Key Central Minister
ఈ సందర్భంగా పవన్ కళ్యాణ్, ఉపరాష్ట్రపతి జగదీప్ ధన్కడ్‌ను మర్యాద పూర్వకంగా కలిశారు. అలాగే, కేంద్ర మంత్రులు గజేంద్రసింగ్ షెకావత్, సీఆర్ పాటిల్, అశ్విని వైష్ణవ్, నిర్మలా సీతారామన్ లతో కూడా సమావేశమై, రాష్ట్రానికి సంబంధించి అనేక కీలక అంశాలపై చర్చించారు. పవన్ కళ్యాణ్ తన గోల్‌గా, రాష్ట్ర ప్రయోజనాలను కాపాడుకోవడమేనని స్పష్టం చేశారు.
Also Read: Pushpa 2 Jathara Scene: పుష్ప-2 పై చేస్తున్న ఈ ప్రయోగం ఫలించేనా?
పవన్ కళ్యాణ్, ఏపీ లోని 7వేల కిలోమీటర్ల రహదారుల నిర్మాణం కోసం కేంద్రం నుంచి నిధులు మంజూరు చేయాలని కోరారు. ఈ మేరకు రాష్ట్రంలో రోడ్ల నిర్మాణం, అభివృద్ధి కార్యక్రమాలకు కేంద్రం నుంచి మద్దతు అవసరమని ఆయన తెలిపారు. అంతేకాక, పర్యాటక రంగాన్ని అభివృద్ధి చేసే దిశగా ప్రత్యేక పర్యాటక విశ్వవిద్యాలయం స్థాపన పై కూడా ప్రతిపాదన వేశారు.
పవన్ కళ్యాణ్, వైజాగ్ రైల్వే జోన్ పేరును వాల్తేరు జోనుగా మార్చినందుకు రైల్వే మంత్రికి కృతజ్ఞతలు తెలిపారు. అదేవిధంగా, మహాత్మా గాంధీ జాతీయ ఉపాధి హామీ పథకం కింద గ్రామీణ ప్రాంతాల్లో అభివృద్ధి పనులు చేపట్టాలని, కూలీలకు చెల్లించాల్సిన వేతనాలను పెంచాలని ఆయన కేంద్రాన్ని కోరారు. రాష్ట్ర అభివృద్ధి కోసం పవన్ కళ్యాణ్ చేస్తున్న కృషి ప్రస్తుతం ప్రజల నుండి మద్దతు పొందుతోంది.
