Prabhas Kalki 2: కమల్ తో మొదలుపెట్టనున్న నాగ్ అశ్విన్.. కల్కి 2 కి సరికొత్త టైటిల్!!
Prabhas Kalki 2: పాన్ ఇండియా స్టార్ ప్రభాస్ నటించిన కల్కి 2898 AD చిత్రం బాక్స్ ఆఫీస్ వద్ద భారీ విజయాన్ని సాధించి, రికార్డులు సృష్టించింది. ఈ సినిమా విడుదలైన అనంతరం, ప్రేక్షకుల నుంచి అనూహ్యమైన రెస్పాన్స్ వచ్చింది. ఇప్పుడు, కల్కి 2 చిత్రంపై కొత్త అప్డేట్స్ వెలుగులోకి వచ్చాయి.
Prabhas Kalki 2 film shooting starts
కల్కి 2 స్క్రిప్ట్ వర్క్ పూర్తయ్యి, జూన్ మొదటి వారం నుంచి షూటింగ్ ప్రారంభమవుతుందని సమాచారం. మొదటి షెడ్యూల్‌లో కమల్ హాసన్‌పై కీలక సన్నివేశాలు చిత్రీకరించనున్నారు. ఈ సీక్వెల్‌లో కమల్ హాసన్ పాత్రకు ఎక్కువ ప్రాధాన్యత ఉంటుందని తెలిసింది.
కల్కి 2 సినిమాకు “కర్ణ 3102 BC” అనే టైటిల్ అనుకుంటున్నారు. ఈ సీక్వెల్‌లో పురాణాలు, దేవాలయాల అంశాలను పెద్దగా చూపించనున్నారు. కల్కి 2898 ADలో దీపికా పదుకొణె కీలక పాత్రలో కనిపించిన సంగతి తెలిసిందే, అయితే పార్ట్ 2లో కూడా ఆమె కొన్ని సన్నివేశాల్లో కనిపించనున్నారు. కల్కి 2898 AD చిత్రంలో కర్ణుడి పాత్రపై దృష్టి పెట్టిన విషయం తెలిసిందే. అందువల్ల, కల్కి 2 కూడా కర్ణుడి కథ చుట్టూ తిరుగుతుందని అంచనా వేస్తున్నారు. ఈ సీక్వెల్‌పై భారీ అంచనాలు ఏర్పడ్డాయి.