Pushpa 2 Movie: ఇంకా తగ్గని పుష్ప గాడి రికార్డులు.. ఏం ఊచకోత సామీ.. ఎవరికీ లేని రికార్డు!!

Pushpa 2 Movie: “పుష్ప 2”.. ఐకాన్ స్టార్ అల్లు అర్జున్, రష్మిక మందన్నా జంటగా, సుకుమార్ దర్శకత్వంలో తెరకెక్కిన ఈ బ్లాక్ బస్టర్ ఇండియన్ సినిమా ప్రేక్షకులను ఇంకా ముగ్ధులను చేస్తోంది. ఈ సినిమా తెలుగు రాష్ట్రాల్లో కాకుండా జాతీయస్థాయిలోనూ సరికొత్త రికార్డులను సృష్టిస్తోంది. అద్భుతమైన కథ, నటన, టెక్నికల్ పనితనం, ఎమోషనల్ డ్రామా పుష్ప 2 చిత్రానికి వసూళ్ల పరంగా ఎన్నో రికార్డులను అందించింది.

Pushpa 2 Movie All-Time Industry Hit

తెలుగు రాష్ట్రాల్లో “పుష్ప 2” పలు సింగిల్ స్క్రీన్ థియేటర్లలో కూడా అద్భుతమైన వసూళ్లను సాధించింది. ముఖ్యంగా హైదరాబాద్ సంధ్య 70 ఎంఎం థియేటర్‌లో ఈ సినిమా సరికొత్త రికార్డు సాధించింది. 51 రోజుల్లో ఈ స్క్రీన్‌లోనే రూ. 1.89 కోట్లు గ్రాస్ వసూళ్లు రాబట్టడం పుష్ప 2కు పెద్ద విజయంగా చెప్పుకోవచ్చు. ఈ థియేటర్‌లో మొత్తంగా 206 ప్రదర్శనల ద్వారా 1,04,580 మంది ప్రేక్షకులు ఈ చిత్రాన్ని వీక్షించారు. ఇది తెలుగు రాష్ట్రాల్లోని ఏ సింగిల్ స్క్రీన్ సాధించని రికార్డు అని చెప్పవచ్చు.

ఈ విజయాన్ని మైత్రీ మూవీ మేకర్స్, డిస్ట్రిబ్యూషన్ డిపార్ట్మెంట్ అధికారికంగా ప్రకటించింది. “రప్పా రప్పా బద్దలు కొట్టిన పుష్ప రికార్డులు! సంధ్య 70 ఎంఎంలో 206 ప్రదర్శనలు, 1.04 లక్షల ప్రేక్షకులతో రూ. 1.89 కోట్ల వసూళ్లు రాబట్టిన చరిత్ర!” అంటూ తమ ట్విట్టర్ పేజీ ద్వారా షేర్ చేశారు. ఈ విజయాన్ని చూసి ప్రేక్షకులు, అభిమానులు అల్లు అర్జున్‌కు మళ్లీ ఘన విజయం దక్కడం పట్ల సంతోషంగా ఉన్నారు.

“పుష్ప 2” విజయం తెలుగు సినీ పరిశ్రమకు మాత్రమే కాకుండా, ఇతర భాషల్లో కూడా దశ దిశల్లో ప్రభావం చూపింది. ఈ చిత్రం ఎమోషనల్ కంటెంట్, బలమైన కథ, అద్భుతమైన స్క్రీన్ ప్రెజెన్స్‌తో ప్రేక్షకుల హృదయాలను గెలుచుకుంది. అల్లు అర్జున్ నటన, సుకుమార్ దర్శకత్వం, దేవిశ్రీ ప్రసాద్ సంగీతం ఈ చిత్రానికి బలమైన శక్తి. ఇండస్ట్రీ హిట్ పుష్ప 2 ఇంకా అనేక రికార్డులను సృష్టించే అవకాశం ఉంది.