Pushpa 2: అల్లు అర్జున్ ఫ్యాన్స్ కి గుడ్ న్యూస్.. హైదరాబాడ్ లో పుష్ప ఈవెంట్!!

Pushpa 2: ఐకాన్ స్టార్ అల్లు అర్జున్ ప్రధాన పాత్రలో నటిస్తున్న ‘పుష్ప -2’ చిత్రం ప్రేక్షకుల్లో భారీ అంచనాలు నెలకొల్పింది. సుకుమార్ దర్శకత్వంలో రూపొందుతున్న ఈ చిత్రం ప్రమోషన్ల విషయంలో ఇప్పటికే మంచి ఊపును సొంతం చేసుకుంది. ఇటీవల చెన్నై, కేరళ ప్రాంతాల్లో భారీ ఈవెంట్లు నిర్వహించి, ప్రేక్షకులను ఆకట్టుకుంది. తాజాగా హైదరాబాద్లో ప్రీరిలీజ్ వేడుకను గ్రాండ్‌గా నిర్వహించేందుకు చిత్ర బృందం సన్నాహాలు చేస్తోంది. ఈ కార్యక్రమానికి సంబంధించిన అన్ని వివరాలు అభిమానుల్ని మరింత ఆసక్తితో ఎదురు చూడేలా చేస్తున్నాయి.

Pushpa 2 Team to Host Grand Event in Hyderabad

హైదరాబాద్లో డిసెంబర్ 1న జరిగే ఈ వేడుకను మల్లారెడ్డి కాలేజీలో నిర్వహించేందుకు చిత్ర బృందం సిద్ధమైంది. ఈ కార్యక్రమానికి పోలీసుల అనుమతి లభించినట్లు సమాచారం. ఈ వేడుకలో ఐకాన్ స్టార్ అల్లు అర్జున్‌తో పాటు దర్శకుడు సుకుమార్, ఇతర ముఖ్యమైన చిత్రబృంద సభ్యులు పాల్గొననున్నట్లు తెలుస్తోంది. భారీ సంఖ్యలో అభిమానులు ఈ వేడుకకు హాజరయ్యే అవకాశముండటంతో, ఆ ఏర్పాట్ల విషయంలో ప్రత్యేక శ్రద్ధ వహిస్తున్నట్లు తెలుస్తోంది.

Also Read: Cm Revanth Reddy: కొడంగల్ కు గుడ్ బాయ్.. కొత్త నియోజకవర్గం వేటలో రేవంత్ ?

‘పుష్ప -2’ ప్రమోషన్లలో భాగంగా ఇదివరకు ఇతర రాష్ట్రాల్లో నిర్వహించిన ఈవెంట్లు ప్రేక్షకుల మదిలో మంచి ముద్ర వేసాయి. చెన్నైలో జరిగిన ఈవెంట్‌లో అల్లు అర్జున్ స్టైలిష్ అవతార్‌లో అభిమానుల హృదయాలను గెలుచుకున్నాడు. ఇక కేరళలో జరిగిన ఈవెంట్ కూడా అనూహ్య స్పందన పొందింది. ఈ రెండు కార్యక్రమాల విజయంతో హైదరాబాద్లో జరిగే ప్రీరిలీజ్ వేడుకకు మరింత ఉత్సాహం నెలకొంది. అంతేకాకుండా, ఈ వేడుకతో చిత్ర ప్రమోషన్లకు తారాస్థాయిలో ముగింపు పలికేందుకు చిత్ర బృందం ప్రణాళికలు సిద్ధం చేస్తోంది.

‘పుష్ప -2’ సినిమాపై ఇప్పటికే ప్రేక్షకుల్లో అద్భుతమైన అంచనాలు ఉన్నాయి. ‘పుష్ప: ది రైజ్’ సినిమా విడుదలైన తర్వాత వచ్చిన అఖండ విజయంతో, సీక్వెల్‌పై అభిమానుల ఆసక్తి మరింత పెరిగింది. ప్రత్యేకంగా ఈ చిత్రం కథ, సంగీతం, అల్లు అర్జున్ నటన, సుకుమార్ దృశ్య మేదసు కోసం ప్రేక్షకులు వేయి కళ్లతో ఎదురు చూస్తున్నారు. డిసెంబర్ 1న జరిగే హైదరాబాదు వేడుక, ఈ అంచనాలను మరింత పెంచుతుందని, చిత్ర విజయానికి కొత్త ఊపునిస్తుంది అని విశ్లేషకులు అంచనా వేస్తున్నారు.