Siddharth: టాలీవుడ్ పై సిద్ధార్థ్ ఆగ్రహం..ప్రతిసారి ఈ తలనొప్పి ఏంటి?
Siddharth: తెలుగు సినీ పరిశ్రమలో హీరో గా తనకంటూ మంచి పేరు తెచ్చుకున్న నటుడు సిద్ధార్థ్. ‘బాయ్స్’, ‘నువ్వొస్తానంటే నేనొద్దంటానా’, ‘బొమ్మరిల్లు’ వంటి విజయవంతమైన చిత్రాలతో ప్రేక్షకుల మనసులను దోచుకున్న ఆయన, ఆ రోజుల్లో యువతకు ఐకాన్‌గా నిలిచాడు. ప్రత్యేకంగా యువతీ యువకుల హృదయాల్లో ఆయనకు ప్రత్యేక స్థానం ఏర్పడింది. కానీ, కెరీర్‌లో వరుస వైఫల్యాలు,తప్పుడు నిర్ణయాలు వంటి కారణాలతో సిద్ధార్థ్ వెనుకబడిపోయాడు.
Siddharth Open Criticism of Telugu Cinema
సిద్ధార్థ్ తెలుగులో తన స్థానం కోల్పోవడానికి అనేక కారణాలు ఉన్నాయి. ‘ఓ మై ఫ్రెండ్’ సినిమా తర్వాత ఆయన తెలుగులో ఎక్కువగా కనిపించలేదు. తమిళ సినిమాలవైపు మళ్లి, అక్కడ తన అదృష్టాన్ని పరీక్షించుకోవడానికి ప్రయత్నించాడు. అయితే, అక్కడ కూడా ఆశించిన విజయాలు లభించకపోవడంతో ఆయన కెరీర్ మరింత ఒడిదుడుకులను ఎదుర్కొంది. ఎన్నాళ్లగానో చూసిన తర్వాత తెలుగులో ‘మహాసముద్రం’ అనే భారీ బడ్జెట్‌ చిత్రంతో రీఎంట్రీ ఇచ్చినప్పటికీ, ఆ చిత్రం ఆశించిన విజయాన్ని అందుకోలేకపోయింది. ఫలితంగా, ఆయన కెరీర్ మరింత క్లిష్టమైన పరిస్థితుల్లోకి జారింది.
Also Read: Sugarcane Juice: చెరకు రసంలో పాలు కలిపి తాగితే..100 రోగాలకు చెక్ ?
ఇటీవలి కాలంలో సిద్ధార్థ్ తన ఇంటర్వ్యూలు, సోషల్‌ మీడియా వేదికలపై తన అసంతృప్తిని వ్యక్తం చేయడం మొదలుపెట్టాడు. తెలుగు ఇండస్ట్రీ తనను ఎలా విస్మరించిందో, ఒకప్పుడు తాను పొందిన స్టార్‌డమ్‌ గురించి ఎక్కువగా మాట్లాడుతున్నాడు. ఆయన మాటల్లో తెలుగుచిత్ర పరిశ్రమ మీద ఓ రకమైన అసహనం కనిపిస్తోంది. ఇది కొంతమేరకు సహజమేనని భావించినా, ఈ అసంతృప్తి ఆయనకు మళ్లీ అవకాశాలు తెచ్చిపెట్టడంలో అడ్డంకిగా మారే ప్రమాదం ఉంది.
సిద్ధార్థ్ పరిస్థితి తన అభిమానులను కూడా కలవరపెడుతోంది. కానీ, ఒకప్పుడు తెలుగు ప్రేక్షకుల హృదయాలను గెలుచుకున్న ఆయన, తన లోపాలను సరిదిద్దుకుంటే, తన కెరీర్‌ను తిరిగి నిలబెట్టుకునే అవకాశాలు లేకపోవు. తెలుగు ప్రేక్షకులు ఎప్పుడూ మంచి నటుల్ని ఆదరించే స్వభావం కలవారు. సిద్ధార్థ్ తనలోని టాలెంట్‌ను సరికొత్తగా ప్రదర్శించి, ప్రేక్షకుల నమ్మకాన్ని తిరిగి పొందేందుకు ప్రయత్నిస్తే, ఆయనకు ఇంకా మంచి రోజులు రావడం ఖాయం. ప్రేక్షకుల మనసులను గెలుచుకోవడమే పెద్ద విజయానికి మొదటి అడుగుగా ఉంటుందని ఆయన గ్రహించాలి.
