Siddharth: ‘బాయ్స్’, ‘బొమ్మరిల్లు’ వంటి విజయవంతమైన సినిమాలతో తనకంటూ ప్రత్యేక గుర్తింపును సంపాదించుకున్నారు సిద్ధార్థ్ . ఇటీవల వచ్చిన ‘చిన్నా’ సినిమాతో విజయాన్ని మళ్ళీ అందుకున్న ఆయన, ఇప్పుడు ‘మిస్ యూ’ అనే మరో కొత్త కథతో ప్రేక్షకులను అలరించడానికి సిద్ధమవుతున్నారు. ఈ సినిమాలో సిద్ధార్థ్ సరసన నాగార్జున నటించిన ‘నా సామి రంగా’లో నటించిన ఆషిక రంగనాథ్ నటిస్తుంది.
Siddharth Returns with New Love Story
తమిళ దర్శకుడు రాజశేఖర్ దర్శకత్వంలో రూపొందుతున్న ఈ చిత్రానికి గిబ్రాన్ సంగీతాన్ని అందిస్తున్నారు. ఇప్పటికే విడుదలైన ఫస్ట్ లుక్ ప్రేక్షకులను ఆకట్టుకోవడంతో పాటు, సినిమాపై అంచనాలను పెంచింది. కథా, కథనాల పరంగా సిద్ధార్థ్‌కి తగిన మంచి పాత్ర అని భావిస్తున్న అభిమానులు, ఈ సినిమా కోసం ఎంతో ఆసక్తిగా ఎదురుచూస్తున్నారు.
Also Read: Puri Jagannadh: పూరీ తో ప్రభాస్.. ఆమ్మో.. పెద్ద సాహసమే చేస్తున్నాడు గా!!
ఇటీవల విడుదలైన టీజర్ ప్రేక్షకులను మరింత ఆకట్టుకుంటోంది. సిద్ధార్థ్ స్టైలిష్ లుక్‌లో కనిపించడమే కాకుండా, ఆషిక రంగనాథ్ తన అందంతో మెస్మరైజ్ చేస్తున్నారు. టీజర్‌లోని సంభాషణలు, నేపథ్య సంగీతం, అంతేకాకుండా సినిమాకు కాఫీ షాప్ నేపథ్యంలో సాగే డైలాగ్‌లు ప్రత్యేక ఆకర్షణగా నిలిచాయి. ముఖ్యంగా, “వన్ సౌత్ ఇండియన్ ఫిల్టర్ కాఫీ ఫర్ సర్వ్.. వన్ ఫ్లాట్ వైట్ ఫర్ బ్యూటిఫుల్ లేడీ” అనే డైలాగ్ సోషల్ మీడియాలో వైరల్ అవుతూ, ప్రేక్షకులను విపరీతమైన అలరిస్తుంది.
‘మిస్ యూ’ ఒక పూర్తి స్థాయి ప్రేమ కథగా తెరకెక్కుతోంది. అందులో సిద్ధార్థ్ మరియు ఆషిక రంగనాథ్ మధ్య కెమిస్ట్రీ ప్రేక్షకులను ఆకట్టుకునేలా ఉండబోతోంది. తమిళంలో ప్రేక్షకుల ముందుకు వస్తున్న ఈ సినిమాను తెలుగులో కూడా డబ్ చేయాలనే ఆలోచనలో ఉన్నట్లు సమాచారం. తమ అభిమాన నటుడిని మరోసారి తెరపై చూడబోతున్న ప్రేక్షకులు ఈ ప్రేమ కథ ఎలా ఉంటుందో అని సినిమాపై ఎన్నో అంచనాలను పెంచుకుంటున్నారు.