Telangana Assembly: తెలంగాణ అసెంబ్లీలో దుమారం.. జగదీష్ రెడ్డి వ్యాఖ్యలపై కోమటిరెడ్డి ఫైర్!!
Telangana Assembly: తెలంగాణ అసెంబ్లీ బడ్జెట్ సమావేశాల్లో గవర్నర్ ప్రసంగానికి ధన్యవాదాలు తెలిపే తీర్మానంపై తీవ్ర చర్చ జరిగింది. బీఆర్ఎస్ ఎమ్మెల్యే జగదీష్ రెడ్డి రైతు రుణమాఫీ (Farmers Loan Waiver) అమలు కాలేదని, రైతు భరోసా (Farmers Welfare) అందలేదని విమర్శించారు. ఈ వ్యాఖ్యలపై అధికార పక్షం తీవ్ర అభ్యంతరం వ్యక్తం చేసింది.
Telangana Assembly Witnesses Heated Political Debate
ఈ సందర్భంలో మంత్రి కోమటిరెడ్డి వెంకట్ రెడ్డి స్పందిస్తూ, కేసీఆర్ దళితుడిని సీఎం చేస్తానని చెప్పి చేయలేదని విమర్శించారు. అలాగే, దళితులకు మూడు ఎకరాల భూమి ఇచ్చేందుకు హామీ ఇచ్చి అమలు చేయలేదని ఆరోపించారు. కేసీఆర్ రైతుల కోసం ఏం చేశారో ప్రజలకు తెలుసునని వ్యాఖ్యానించారు.
మంత్రి శ్రీధర్ బాబు మాట్లాడుతూ, జగదీష్ రెడ్డి స్పీకర్‌ను బెదిరిస్తున్నారని ఆరోపించారు. ఆయన చేసిన వ్యాఖ్యలు వెనక్కి తీసుకోవాలని డిమాండ్ చేశారు. దీంతో కాంగ్రెస్ సభ్యులు జగదీష్ రెడ్డి క్షమాపణ చెప్పాలని లేకపోతే సస్పెండ్ చేయాలని కోరారు.
ఈ గందరగోళ నేపథ్యంలో స్పీకర్ గడ్డం ప్రసాద్ సభను 15 నిమిషాల పాటు వాయిదా వేశారు. జగదీష్ రెడ్డి తన వ్యాఖ్యలపై క్షమాపణ చెప్పాలని కాంగ్రెస్ విప్ అడ్లూరి లక్ష్మణ్ డిమాండ్ చేశారు. అంతేకాకుండా, దళితులకు అన్యాయం చేసినందుకు క్షమాపణ చెప్పాలని ఆయన సూచించారు.