Venkatesh: విక్టరీ వెంకటేష్, అనీల్ రావిపూడి కాంబినేషన్‌లో వస్తున్న తాజా చిత్రం ప్రేక్షకుల్లో భారీ అంచనాలు పెంచింది. ‘F2’, ‘F3’ వంటి బ్లాక్‌బస్టర్ హిట్ల తర్వాత వీరి కలయికలో రాబోతున్న మూడో సినిమా ఇది. మొదటగా ఈ చిత్రాన్ని సంక్రాంతి 2025కి విడుదల చేయాలని నిర్ణయించారు. “సంక్రాంతికి వస్తున్నాం” అంటూ అధికారిక ప్రకటన కూడా చేశారు. కానీ తాజా సమాచారం ప్రకారం, సినిమా విడుదల తేదీ మారే అవకాశం ఉంది.
Venkatesh New Movie with Anil Ravipudi December Release
అనీల్ రావిపూడి సంక్రాంతి పండుగను లక్ష్యంగా చేసుకుని ఈ సినిమాను విడుదల చేయాలనుకున్నారు. కుటుంబ ప్రేక్షకులను ఆకర్షించే ఈ సినిమా సంక్రాంతికి మరింత అనుకూలమని ఆయన భావించారు. ఈ ప్రతిపాదనకు దిల్ రాజు కూడా సానుకూలంగా స్పందించినట్టు సమాచారం. కానీ ‘గేమ్ ఛేంజర్’ సినిమా జనవరి నెలకు వాయిదా పడటంతో, దిల్ రాజు నిర్మాణంలో రెండు సినిమాలు ఒకేసారి విడుదల చేయడం కష్టమవుతుందని తెలుస్తోంది. అందువల్ల వెంకటేష్ సినిమా విడుదల తేదీపై పునరాలోచన జరుగుతోంది.
Also Read: Shruti Haasan: అడివి శేష్ కొంప ముంచిన శ్రుతి హాసన్.. డెకాయిట్ ఆగినట్లేనా!!
సినిమాను సంక్రాంతి కంటే ముందుగానే, డిసెంబరు లేదా క్రిస్మస్ సందర్భంగా విడుదల చేయాలని నిర్మాతలు భావిస్తున్నారు. అయితే, ఇంకా ఈ విషయంలో అధికారిక ప్రకటన రాలేదు. ప్రస్తుతం సినిమా విడుదల తేదీపై చర్చలు జరుగుతున్నాయి.
ఈ చిత్రంలో వెంకటేష్ సరసన ఐశ్వర్య రాజేష్, మీనాక్షి చౌదరి కథానాయికలుగా నటిస్తున్నారు. భీమ్స్ సిసిరోలియో సంగీతం అందిస్తుండగా, సమీర్ రెడ్డి ఛాయాగ్రహణం మరియు తమ్మిరాజు ఎడిటింగ్ బాధ్యతలు చేపట్టారు. సినిమా షూటింగ్ వేగంగా జరుగుతుండగా, త్వరలోనే టైటిల్, ఫస్ట్ లుక్, టీజర్ విడుదల చేసే అవకాశం ఉంది.