Virat Kohli 300th ODI: విరాట్ కోహ్లీ మైలురాయి.. వన్డేల్లో రికార్డుల మోత.. చరిత్రలో కోహ్లీ స్ధానం!!
Virat Kohli 300th ODI: టీమిండియా 2025 ఛాంపియన్స్ ట్రోఫీలో అద్భుత ప్రదర్శన కనబరుస్తోంది. బంగ్లాదేశ్, పాకిస్తాన్‌లను ఓడించి ఇప్పటికే సెమీఫైనల్స్‌కు చేరుకుంది. గ్రూప్ స్టేజ్‌లో చివరి మ్యాచ్‌లో భారత్, న్యూజిలాండ్ తలపడనున్నాయి. మార్చి 2న దుబాయ్‌లో జరగనున్న ఈ మ్యాచ్‌లో రెండు జట్లు సెమీస్‌కు చేరడంతో, ఇది నామమాత్రపు మ్యాచ్‌గా మారింది. అయితే, విరాట్ కోహ్లీ కి మాత్రం ఇది ఎంతో ప్రత్యేకం. ఎందుకంటే, ఇది అతని 300వ వన్డే మ్యాచ్.
Virat Kohli 300th ODI Milestone Achieved
2008లో అంతర్జాతీయ క్రికెట్‌లోకి అడుగుపెట్టిన కోహ్లీ, ఇప్పటివరకు 299 వన్డేలు ఆడి, 14085 పరుగులు (సగటు 58.2) సాధించాడు. ఈ జాబితాలో 51 శతకాలు, 73 అర్థశతకాలు ఉన్నాయి. వన్డేల్లో అత్యధిక సెంచరీలు చేసిన ఆటగాడిగా కోహ్లీ రికార్డు సృష్టించాడు. అంతేకాకుండా, 50 సెంచరీలు పూర్తి చేసిన తొలి ప్లేయర్‌గా నిలిచాడు.
వన్డేల్లో అత్యధిక పరుగులు చేసిన ఆటగాళ్లలో కోహ్లీ ప్రస్తుతం మూడో స్థానంలో ఉన్నాడు. సచిన్ టెండూల్కర్ (18,426) అగ్రస్థానంలో ఉండగా, కుమార సంగక్కర (14,234) రెండో స్థానంలో ఉన్నాడు. కోహ్లీ మరో 150 పరుగులు చేస్తే, ఈ జాబితాలో రెండో స్థానాన్ని దక్కించుకుంటాడు.
కోహ్లీ ఇప్పటివరకు 123 టెస్టులు, 125 టీ20లు, 252 ఐపీఎల్ మ్యాచ్‌లు ఆడాడు. టెస్టుల్లో 9,230 పరుగులు (30 సెంచరీలు), టీ20ల్లో 4,188 పరుగులు (1 సెంచరీ), ఐపీఎల్‌లో 8,004 పరుగులు సాధించాడు. రాయల్ ఛాలెంజర్స్ బెంగళూరు కు మాత్రమే ఆడుతున్న కోహ్లీ, 2025 ఛాంపియన్స్ ట్రోఫీలో భారీ శతకం బాదాలని ఫ్యాన్స్ ఆశిస్తున్నారు.