జనసేన ఇప్పుడు బూత్ స్థాయిపై దృష్టి పెట్టింది. రాష్ట్రవ్యాప్తంగా పెద్ద నాయకులు పుష్కలంగా ఉన్నా, కీలకమైన బూత్ లెవెల్ కార్యకర్తల లోటు పార్టీకి తీవ్రంగా ఎదురైంది. ఇప్పటివరకు ఈ విషయంలో పార్టీ సరైన అటెన్షన్ ఇవ్వలేదు. దాంతో గ్రౌండ్ లెవెల్ లో పార్టీ డెవలప్ అవ్వాలంటే ఒకరకంగా ఇబ్బందులే. అందుకే ఈ సమస్యను ఇప్పుడు సీరియస్ గా తీసుకుంది.
చాలా ఏళ్లుగా బూత్ కమిటీలను ఏర్పాటు చేయాలని, కార్యకర్తలకు బాధ్యతలు అప్పగించాలని పలువురు సీనియర్లు కోరుతున్నారు. ఇటీవల స్థానిక సంస్థల ఎన్నికల నేపథ్యంలో డిమాండ్ మరింత పెరిగింది. వచ్చే రెండు నెలల్లో పంచాయతీ పోరు ఉన్నందున బూత్ లెవెల్ వర్క్ ను తప్పకుండా ఫోకస్ చేయాలని నిర్ణయించామని ఓ సీనియర్ నాయకుడు చెప్పారు. ఇంటింటికీ వెళ్లడం, ఓటు బ్యాంకు పెంచడంలో బూత్ స్థాయి కార్యకర్తలదే ప్రధాన పాత్ర కాబట్టి ఇప్పుడు ఈ విషయంలో పార్టీ సీరియస్ గా ఉంది.
ఇతర పార్టీలతో పోలిస్తే టీడీపీ, వైసీపీ, బీజేపీకి బూత్ స్థాయిలో బలమైన నెట్వర్క్ ఉంది. కమ్యూనిస్టులకు కూడా ఆశించిన స్థాయిలో కార్యకర్తలున్నారు. కాంగ్రెస్ లో కూడా బూత్ కమిటీలు డెవలప్ అయ్యాయి. ఇలాంటి పరిస్థితుల్లో జనసేన వెనకబడి ఉంటే ఎలా అని ఇప్పుడు పార్టీ హైకమాండ్ కూడా అలర్ట్ అయ్యింది.
ఇప్పుడు జనసేన తాజాగా బూత్ స్థాయిపై ప్రత్యేక దృష్టి సారించింది. త్వరలోనే కొత్త కమిటీలు ఏర్పాటు చేసి కార్యకర్తలకు క్లియర్ గా బాధ్యతలు అప్పగించే ప్లాన్ లో ఉంది. ఈ దిశగా ఇప్పటికే కొత్త ప్లానింగ్ మొదలైందని సమాచారం.
