బీసీసీఐ కొత్త నిబంధనల ప్రకారం, దేశవాళీ క్రికెట్ సీజన్ 2026-27లో ఆఖరి ఓవర్లో వికెట్ పడినా మిగిలిన బంతులు వేయాల్సిందే. ఈ మార్పులు మెరిల్బోన్ క్రికెట్ క్లబ్ (MCC) సూచనల మేరకు తీసుకువచ్చారు. అన్ని రాష్ట్ర క్రికెట్ సంఘాలకు ఇప్పటికే ఈ విషయం తెలిపారు. ఇకపై ఉద్దేశపూర్వకంగా ఫ్రంట్-ఫుట్ నో-బాల్ వేస్తే బౌలర్ మ్యాచ్ మొత్తానికి సస్పెండ్ అవుతాడు. గతంలో ఇన్నింగ్స్ మాత్రమే నిషేధం ఉండేది.
BCCI నిబంధనలు: కీలక మార్పు
అలాగే, ఆఖరి ఓవర్లో వికెట్ పడితే అక్కడితో ఆ రోజు పూర్తి కాదు. మిగిలిన బంతులు వేసి తీరాలి. ఇది టెస్ట్ క్రికెట్ లాంగ్ ఫార్మాట్ కి వర్తిస్తుంది. చివరి ఇన్నింగ్స్ లో డిక్లేర్ చేయడం లేదా మ్యాచ్ డ్రా కి అంగీకరించడం ఇకపై కుదరదు. దీనివల్ల మ్యాచ్ పోటీతత్వం పెరుగుతుందని బీసీసీఐ అభిప్రాయం. డ్రింక్స్ బ్రేక్ సమయంలో హెడ్ కోచ్ మైదానంలోకి వచ్చి జట్టుతో మాట్లాడవచ్చు. అంతర్జాతీయ క్రికెట్ లోనూ ఇదే మార్పును ఐసీసీ తీసుకురావడానికి ప్రయత్నిస్తోంది.
వికెట్ కీపర్లకు కూడా ఉపశమనం లభించింది. గతంలో బౌలర్ రనప్ మొదలుపెట్టినప్పటి నుంచి బంతి వేసే వరకు గ్లౌవ్స్ స్టంప్స్ వెనుక ఉంచాల్సి వచ్చేది. ఇప్పుడు ఆ నిబంధన తొలగించారు. బౌలర్ బంతి విడిచే క్షణంలో మాత్రమే గ్లౌవ్స్ స్టంప్స్ వెనుక ఉంటే సరిపోతుంది. దీనివల్ల నోబాల్ ప్రకటించడం లేదా స్టంపింగ్ రద్దు చేయడం వంటి సమస్యలు తగ్గుతాయి.
వచ్చే నెలలో దులీప్ ట్రోఫీతో దేశీయ సీజన్ మొదలవుతుంది. ఈ కొత్త నిబంధనలపై అంపైర్లు, మ్యాచ్ రిఫరీలకు రాష్ట్ర క్రికెట్ సంఘాలు అవగాహన కల్పిస్తున్నాయి. బీసీసీఐ ఈ మార్పులను క్రికెట్ నాణ్యతను మెరుగుపరచడానికి, ఫెయిర్ ప్లే ని ప్రోత్సహించడానికి తీసుకువచ్చినట్లు తెలియజేసింది.
