హైదరాబాద్లో ఓటర్ల జాబితా విషయంలో భారీ షాకింగ్ న్యూస్ బయటకు వచ్చింది. రాష్ట్రవ్యాప్తంగా చేపట్టిన ప్రత్యేక సవరణ డ్రైవ్లో భాగంగా ఏకంగా 73 లక్షల మంది పేర్లను అధికారులు తొలగించడం కలకలం రేపుతోంది. ముఖ్యంగా హైదరాబాద్ జిల్లా పరిధిలోనే 19 లక్షలకు పైగా ఓట్లు మిస్సయ్యాయని తెలుస్తోంది. ఈ డేటా చూసి చాలా మంది కన్ఫ్యూజన్లో పడిపోతున్నారు. మీ ఓటు సేఫ్గా ఉందా లేదా అన్నది ఇప్పుడు ప్రతి ఒక్కరూ చెక్ చేసుకోవాల్సిన టైమ్ వచ్చింది.
Hyderabad Voter List Missing Names
అధికారులు మాత్రం ఈ తొలగింపు వెనుక లాజిక్ ఏంటంటే.. చనిపోయిన వాళ్లు, డబుల్ ఎంట్రీలు, అలాగే అడ్రస్ మార్చుకుని వేరే చోటికి షిఫ్ట్ అయిన వాళ్ల పేర్లను డిలీట్ చేశాం అని చెబుతున్నారు. అయితే, నిజంగా ఓటు వేసే హక్కు ఉన్న చాలా మంది పేర్లు కూడా టెక్నికల్ కారణాల వల్ల లిస్ట్ నుంచి పోయే ఛాన్స్ ఉందన్న భయం ప్రజల్లో నెలకొంది. ఈ నేపథ్యంలో మీరు మీ ఏరియాలో ఉంటూ కూడా జాబితాలో పేరు లేకపోతే ఇబ్బందులు తప్పవు. అందుకే ఆన్లైన్లో అఫీషియల్ పోర్టల్ ద్వారా ఈజీగా మీ డీటెయిల్స్ వెరిఫై చేసుకోవచ్చు.
ఒకవేళ మీ పేరు లిస్టులో కనిపించకపోతే టెన్షన్ పడాల్సిన పని లేదు. ఎందుకంటే ఎలక్షన్ కమిషన్ ఫామ్ 6 ద్వారా మళ్లీ కొత్తగా రిజిస్ట్రేషన్ చేసుకునే అవకాశం ఇచ్చింది. ఆధార్ కార్డ్, అడ్రస్ ప్రూఫ్ డాక్యుమెంట్స్ తీసుకుని సమీపంలోని ఎలక్షన్ ఆఫీసులో అప్లై చేస్తే సరిపోతుంది. ఈ ప్రాసెస్ చాలా సింపుల్ గా ఉంటుంది, ఎక్కువ టైమ్ కూడా పట్టదు. కానీ చాలా మంది లేట్ చేసి ఫైనల్ లిస్ట్ ప్రకటించాక ఇబ్బంది పడుతుంటారు. కాబట్టి సమయం ఉండగానే ఈ పని పూర్తి చేసుకోవడం మంచిది.
ఓటు హక్కు అనేది ప్రతి పౌరుడికి ఉన్న ప్రాథమిక హక్కు. దాన్ని నిర్లక్ష్యం చేయడం అంటే ప్రజాస్వామ్య వ్యవస్థనే బలహీనపరచడమే అవుతుంది. మీ ఒక్క ఓటు ఎన్నో మార్పులకు దారి తీయవచ్చు. కాబట్టి ఈ విషయాన్ని సీరియస్ గా తీసుకోండి. ఇలాంటి సమస్యలు ఉన్నవాళ్లు వెంటనే స్పందించి పరిష్కరించుకోవడం ఇప్పుడు చాలా ముఖ్యమైన పని. ఎన్నికలు వచ్చే లోపు అందరూ అలర్ట్ గా ఉంటేనే బెటర్.
