భారత రాజధాని ప్రాంతంలో కురుస్తున్న భారీ వర్షాల కారణంగా జనజీవనం పూర్తిగా స్తంభించిపోయింది. ముఖ్యంగా Delhi Airport పరిసర ప్రాంతాల్లో ఎడతెరిపి లేకుండా కురిసిన వానకు రోడ్లన్నీ జలమయం అయ్యాయి. వాహనదారులు తీవ్ర ఇబ్బందులు పడుతున్నారు.
Heavy Rain Batters Delhi Airport
సంగమ్ విహార్, బరాపుల్లాలతో పాటు పలు ప్రధాన మార్గాల్లో భారీగా ట్రాఫిక్ జామ్ ఏర్పడింది. లోతట్టు ప్రాంతాలు నీటిలో మునిగిపోవడంతో వ్యాపార కార్యకలాపాలకు కూడా తీవ్ర అంతరాయం కలిగింది. రోడ్లపై భారీగా నిలిచిన నీటి కారణంగా వాహనాలు నెమ్మదిగా కదలాల్సి వచ్చింది.
ప్రతికూల వాతావరణ పరిస్థితుల ప్రభావం విమాన సర్వీసులపై కూడా పడింది. ప్రయాణికుల భద్రతను దృష్టిలో ఉంచుకుని మొత్తం 14 విమానాలను ఇతర ప్రాంతాలకు మళ్లించినట్లు అధికారులు తెలిపారు. విమానాశ్రయానికి వెళ్లేవారు ముందుగా సమాచారం తెలుసుకోవాలని సూచించారు.
వాతావరణ శాఖ హెచ్చరికల నేపథ్యంలో అధికారులు సహాయక చర్యలు చేపట్టారు. నీటి తొలగింపు పనులు వేగవంతం చేశారు. వర్షం కారణంగా ప్రజలు అత్యవసరమైతే తప్ప బయటకు రావద్దని హెచ్చరికలు జారీ చేయడం జరిగింది.
