Diwali 2026: క్రికెటర్ల ఇళ్లలో దీపావళి వెలుగులు.. ఫోటోలు చూశారా?

Diwali Crackers: టపాసుల ప్రమాదం.. హైదరాబాద్‌లో 32 మందికి గాయాలు.. ఎక్కువ మంది పిల్లలే!

by
Diwali 2026: క్రికెటర్ల ఇళ్లలో దీపావళి వెలుగులు.. ఫోటోలు చూశారా?

హైదరాబాద్‌లో దీపావళి వేడుకల వేళ బాణసంచా ప్రమాదాలు విషాదాన్ని నింపాయి. నగరవ్యాప్తంగా వివిధ ప్రాంతాల్లో బాణసంచా కాల్చుతుండగా సుమారు 32 మందికి కంటి గాయాలయ్యాయి. బాధితుల్లో అత్యధికులు చిన్నారులే ఉండటం ఆందోళన కలిగిస్తోంది. గాయపడిన వారందరినీ మెహదీపట్నంలోని ప్రభుత్వ సరోజినీ దేవి కంటి ఆసుపత్రికి తరలించి చికిత్స అందిస్తున్నారు.

People Mostly Children Suffer Injuries

ఆసుపత్రికి వచ్చిన 32 మందిలో 13 మంది పరిస్థితి తీవ్రంగా ఉండటంతో వారిని ఇన్-పేషెంట్లుగా చేర్చుకున్నారు. మిగిలిన వారికి ప్రాథమిక చికిత్స అందించి, తదుపరి పరీక్షల కోసం మళ్లీ రావాలని వైద్యులు సూచించారు. ఆసుపత్రిలో చేరిన వారిలో ఇద్దరి పరిస్థితి అత్యంత విషమంగా ఉందని, వారికి అత్యవసర శస్త్రచికిత్సలు నిర్వహించాల్సి ఉంటుందని ఆసుపత్రి వర్గాలు వెల్లడించాయి.

కార్నియా దెబ్బతినడం వల్ల బాధితుల్లో సుమారు 50 శాతం మంది మాత్రమే తిరిగి చూపు పొందే అవకాశం ఉందని వైద్యులు ఆవేదన వ్యక్తం చేశారు. ఇప్పటికే ఒక బాధితుడి చూపు పూర్తిగా పోయినట్లు సమాచారం. గతేడాదితో పోలిస్తే ఈసారి బాణసంచా ప్రమాదాల సంఖ్య పెరిగిందని అధికారులు ఆసుపత్రిని సందర్శించిన సందర్భంగా పేర్కొన్నారు. దీపావళి దృష్ట్యా ఆసుపత్రిలో ప్రత్యేకంగా 25 బెడ్లు కేటాయించి నిపుణులైన వైద్యులను అందుబాటులో ఉంచారు.

ఇవి కూడా చదవండి:

పిల్లలు బాణసంచా కాల్చే సమయంలో పెద్దలు ఖచ్చితంగా పర్యవేక్షించాలని వైద్యులు హెచ్చరిస్తున్నారు. అజాగ్రత్త వల్ల శాశ్వతంగా చూపు కోల్పోయే ప్రమాదం ఉందని, బాణసంచా కాల్చేటప్పుడు తగిన జాగ్రత్తలు తీసుకోవాలని సూచించారు. అత్యవసర పరిస్థితుల కోసం ఆసుపత్రిలో అంబులెన్స్‌లను కూడా సిద్ధంగా ఉంచినట్లు అధికారులు తెలిపారు.

మరిన్ని వార్తల కోసం..


Visited 1 times, 1 visit(s) today

సంబంధిత వార్తలు

Leave a Comment