Spirit movie: స్పిరిట్ లో అనిల్ రావిపూడి యాక్టింగ్.. సందీప్ రెడ్డి రెస్పాన్స్!!

Spirit movie: పాన్ ఇండియా స్టార్ ప్రభాస్ నటిస్తున్న ప్రతిష్టాత్మక చిత్రం స్పిరిట్. ప్రముఖ దర్శకుడు సందీప్ రెడ్డి వంగా దర్శకత్వంలో రూపొందుతున్న ఈ చిత్రం భారీ అంచనాలు ఉన్నాయి. ఈ సినిమాను పవర్ ఫుల్ పోలీస్ డ్రామాగా రూపొందించబోతున్నట్లు సమాచారం.

Anil Ravipudi comments on Spirit Movie

ఇదిలా ఉండగా, దర్శకుడు అనిల్ రావిపూడి కూడా ఈ సినిమాలో నటించేందుకు ఆసక్తి చూపించారట. ఆయన సందీప్ రెడ్డి వంగాను కలిసి ఈ కోరికను వ్యక్తం చేశాడని తెలుస్తోంది. అయితే, సందీప్ రెడ్డి వంగా నవ్వుతూ “మీరు మాకు దొరకరు. సినిమా తరువాత సినిమా చేస్తూ యాక్టింగ్ చేసే గ్యాప్ తీసుకోకుండా ఉండిపోవడం కష్టమే” అని సరదాగా సమాధానం ఇచ్చాడట.

ఇక, ఈ ఇద్దరు దర్శకులు తమ సినిమాల శైలి గురించి ఆసక్తికరమైన వ్యాఖ్యలు చేశారు. “నేను సందీప్‌లా సినిమాలు తీస్తే, ఆయనా నాలాంటి సినిమాలు తీస్తారు” అని అనిల్ రావిపూడి చెప్పారు. ఈ వ్యాఖ్యలు వారి మధ్య ఉన్న స్నేహపూర్వక సంబంధాన్ని తెలియజేస్తున్నాయి.

స్పిరిట్ సినిమాను టి-సిరీస్ మరియు భద్రకాళి పిక్చర్స్ భారీ స్థాయిలో నిర్మిస్తున్నారు. ఈ చిత్రం కథ విలక్షణంగా ఉండబోతుందని, సందీప్ రెడ్డి వంగా నుండి మరో వినూత్న సినిమా రాబోతుందని సినీ వర్గాలు పేర్కొంటున్నాయి. హర్షవర్ధన్ రామేశ్వర్ సంగీతం అందిస్తున్న ఈ సినిమా పాటల కంపోజిషన్ పనులు ప్రారంభమయ్యాయి.