జెన్ జీ ఉద్యమాలు దక్షిణాసియాలో తీవ్ర ప్రభావం చూపిస్తున్నాయి. శ్రీలంక, బంగ్లాదేశ్, నేపాల్ లాంటి దేశాల్లో యువత తమ నిరసనలతో ప్రభుత్వాలనే కూల్చేస్తోంది. ఇప్పుడు ఈ సోషల్ మీడియా జనరేషన్ కేవలం లైకులు, షేర్లతో ఆగిపోవడం లేదు; నేరుగా వీధుల్లో దిగి తమ డిమాండ్లు తీర్చుకుంటున్నారు. అవినీతి, నిరుద్యోగం, ఆర్థిక అన్యాయం వంటి సమస్యలపై వీరి పోరాటం చూస్తే, ఇదో కొత్త యుగంలా అనిపిస్తోంది.
Gen Z Movement turns protests into power
శ్రీలంకలో 2022లో ఆర్థిక సంక్షోభం వచ్చినప్పుడు, యువత అవినీతిపై మండిపడింది. వారి నిరసనలు తీవ్రంగా మారడంతో అప్పటి అధ్యక్షుడు గోటబయ రాజపక్స పదవి వదులుకుని పారిపోవాల్సి వచ్చింది. ఈ ఉద్యమం Gen Z యొక్క అసలు శక్తిని ప్రపంచానికి చూపించింది. యువత ఆర్థిక పునరుద్ధరణ కోసం బైటికి రావడంతో ప్రభుత్వం పూర్తిగా బ్యాక్ఫుట్ లోకి వెళ్ళిపోయింది.
బంగ్లాదేశ్లో 2024లో నిరుద్యోగ సమస్యలపై జెన్ జీ పోరాటం మొదలైంది. ప్రధాని షేక్ హసీన కూడా ఈ పీడనను తట్టుకోలేక రాజీనామా చేసి దేశం వదిలి వెళ్ళిపోయారు. గత ఏడాది నేపాల్లో అవినీతి, నిరుద్యోగంతో విసిగిపోయిన యువత నిరసనలు చేసింది. ప్రధాని కేపీ శర్మ ఒలి కూడా తల వంచి రాజీనామా చేయాల్సి వచ్చింది.
ఈ మూడు దేశాల్లో జరిగిన సంఘటనలు Gen Z Movement యొక్క impact ను స్పష్టంగా తెలియజేస్తున్నాయి. యువత ఇప్పుడు తమకు నచ్చని విధానాలపై బొత్తిగా ఓపిక చూపించడం లేదు. వారు వీధుల్లోకి దిగి, సోషల్ మీడియా ద్వారా ఒకరినొకరు సమీకరించుకుని, ప్రభుత్వాలను మార్చేస్తున్నారు. ఈ మూమెంట్ రానున్న రోజుల్లో మరిన్ని నాయకులకు హెచ్చరికలాగా ఉండబోతోంది. అందుకే రాజకీయ నాయకులు యువత డిమాండ్లు సీరియస్ గా తీసుకోవాలి.
