భారతదేశంలో అత్యంత భక్తిశ్రద్ధలతో జరుపుకునే పండుగల్లో Janmashtami 2026 ఒకటి. శ్రీకృష్ణుడి జన్మదినాన్ని పురస్కరించుకుని దేశవ్యాప్తంగా భక్తులు ఈ పండుగను ఘనంగా జరుపుకుంటారు. ఈ ఏడాది కృష్ణాష్టమి ఎప్పుడు వస్తుందనే దానిపై చాలామందికి క్లారిటీ లేదు, కానీ పంచాంగం ప్రకారం ఖచ్చితమైన తేదీ, ముహూర్తం ఇప్పటికే తేలిపోయాయి.
Janmashtami 2026 Date And Muhurat
భాద్రపద మాసంలో కృష్ణ పక్ష అష్టమి తిథి రోజున జన్మాష్టమి జరుపుకుంటారు. 2026లో ఈ అష్టమి తిథి సెప్టెంబర్ 4వ తేదీ (శుక్రవారం) తెల్లవారుజామున 2:25 గంటలకు మొదలై, సెప్టెంబర్ 5వ తేదీ అర్ధరాత్రి 12:13 గంటల వరకు కొనసాగుతుంది. దీంతో దేశవ్యాప్తంగా జన్మాష్టమి పండుగను సెప్టెంబర్ 4వ తేదీన జరుపుకోనున్నారు. అర్ధరాత్రి 12:26 గంటల సమయంలో నిశీత కాల పూజ నిర్వహించడం సంప్రదాయం.
మధురలో కంసుడి చెరసాలలో అర్ధరాత్రి సమయంలో శ్రీకృష్ణుడు జన్మించాడని పురాణాలు చెబుతున్నాయి. అందుకే భక్తులు ఈ రోజు ఉపవాసం ఉండి, అర్ధరాత్రి పూజ, హారతి పూర్తయ్యాకే ఉపవాస దీక్షను విరమిస్తారు. మధుర, బృందావనం వంటి ప్రాంతాల్లో ఈ వేడుకలు మరింత ఘనంగా జరుగుతాయి, భక్తులు పెద్ద సంఖ్యలో అక్కడికి తరలివస్తారు.
తెలుగు రాష్ట్రాల్లో కూడా గుళ్లోలో ప్రత్యేక పూజలు, భజనలు, ఉయ్యాల కార్యక్రమాలు నిర్వహిస్తారు. పిల్లలు కృష్ణుడు, రాధగా వేషధారణ చేసి వేడుకల్లో పాల్గొంటారు. దహీ హండీ వంటి సంప్రదాయ ఆటలు కూడా కొన్ని ప్రాంతాల్లో నిర్వహిస్తారు, ఇవి బాల కృష్ణుడి అల్లరి చేష్టలను గుర్తు చేస్తాయి.
