బాలీవుడ్ బ్యూటీ కృతి సనన్ ఇటీవల ఇచ్చిన ఇంటర్వ్యూలో సూపర్ స్టార్ మహేష్ బాబు క్రేజ్ గురించి ఆసక్తికర విషయాలు పంచుకుంది. తన మొదటి సినిమా ‘1: నేనొక్కడినే’ సెట్స్లో మహేష్ కు ఉన్న అభిమానుల క్రేజ్ చూసి తాను షాకయ్యానని ఆమె చెప్పింది. తెలుగు సినిమాలపై అవగాహన లేకుండానే ఈ సినిమా ఒప్పుకున్నానని, కానీ తర్వాత సూపర్ స్టార్ మహేష్ బాబు రేంజ్ అర్థమైందని చెప్పింది.
తను హిందీ సినిమాలు చూస్తూ పెరగడం వల్ల, మొదట్లో మహేష్ ను ఒక సీనియర్ నటుడిలా చాలా క్యాజుగా కలిశానని కృతి గుర్తుచేసుకుంది. అయితే షూటింగ్ సెట్స్ లోకి అడుగుపెట్టిన తర్వాత, లాంచ్ ఈవెంట్స్లో అభిమానుల పిచ్చి క్రేజ్ చూసి షాక్ అయినట్టు చెప్పింది. థియేటర్లలో ఆడియో ఫంక్షన్ సమయంలో ఆమె ఎదుర్కున్న ఊహించని ప్రెజెంటేషన్ ను కూడా ప్రస్తావించింది. సూపర్ స్టార్ మహేష్ బాబు క్రేజ్ తనకు పూర్తిగా అప్పుడు తెలిసిందని ఆమె అన్నారు.
దర్శకుడు సుకుమార్ నటనలో శిక్షణ లేకపోయినా తనకు హీరోయిన్ గా ఛాన్స్ ఇచ్చారని కృతి చెప్పింది. ఆ సినిమాతో తెలుగులోకి ఎంట్రీ ఇచ్చింది కాబట్టి, టాలీవుడ్ సూపర్ స్టార్ మహేష్ బాబుతో తన కెరీర్ స్టార్ట్ అవ్వడం ఎప్పటికీ స్పెషల్ అని చెప్పింది. ఆమె మాట్లాడుతూ, ‘1: నేనొక్కడినే’ సెట్స్లోకి వచ్చే ప్రేక్షకులు, ఈవెంట్స్ కి హాజరైన వారిని చూసి తాను ఫుల్ షాక్ అయ్యానని అంటోంది.
2014 జనవరిలో విడుదలైన ఈ సైకలాజికల్ థ్రిల్లర్ సినిమా బాక్సాఫీస్ వద్ద పరాజయం పాలైనా, ఈ సినిమా కృతి కెరీర్ కి మాత్రం మైలురాయిగా నిలిచింది. సూపర్ స్టార్ మహేష్ బాబు క్రేజ్ గురించి ఇప్పుడు ఆమె ప్రస్తావిస్తుండడం ఆసక్తికరంగా ఉంది. ప్రస్తుతం బాలీవుడ్ లో టాప్ హీరోయిన్గా దూసుకుపోతున్న కృతి, తన తొలి సినిమా జ్ఞాపకాలను ఇలా గుర్తుచేసుకోవడం నెటిజన్లను ఆకట్టుకుంటోంది.
