Mini Cooper: రూ.62.90 లక్షలకు మినీ కూపర్ కన్వర్టిబుల్ స్టార్‌డస్ట్!!

MINI Cooper Convertible Stardust Edition: మినీ కూపర్ కన్వర్టిబుల్ స్టార్‌డస్ట్ ఎడిషన్ విడుదల.. ధర, ఫీచర్లు ఇవే!

ఇండియాలో లగ్జరీ కన్వర్టిబుల్ కార్ల అభిమానుల కోసం మినీ ఒక సరికొత్త ట్రీట్ తీసుకొచ్చింది. కంపెనీ ఇప్పుడు మినీ కూపర్ కన్వర్టిబుల్ స్టార్‌డస్ట్ ఎడిషన్ లాంఛ్ చేసింది, దీని ఎక్స్-షోరూమ్ ప్రైస్ రూ.62.90 లక్షలు పెట్టారు. ఇది పూర్తిగా కొత్త లుక్‌లో, అదిరిపోయే ఫీచర్లతో వచ్చేసింది. స్పార్క్లింగ్ కాపర్ గ్రే అనే ఒకే ఒక్క కలర్ ఆప్షన్‌లో వస్తున్న ఈ కారు, చూడ్డానికి ప్రీమియం ఫీల్ ఇస్తుంది. సాధారణ కూపర్ కన్వర్టిబుల్‌తో పోలిస్తే ఈ స్టార్‌డస్ట్ ఎడిషన్‌లో డిజైన్ మరింత స్టైలిష్‌గా, ఫీచర్లు మరింత రిచ్‌గా అనిపిస్తాయి.

Mini Stardust Edition Features Review

పెర్ఫార్మెన్స్ విషయానికొస్తే, ఈ కారులో 2.0 లీటర్ పెట్రోల్ ఇంజన్ ఇచ్చారు. ఇది 204 హార్స్‌పవర్ మరియు 300 Nm టార్క్ జనరేట్ చేస్తుంది. అంటే హైవే మీద స్పోర్టీ డ్రైవింగ్ ఎంజాయ్ చేయొచ్చు. ఇందులో 7-స్పీడ్ DCT ఆటోమెటిక్ గేర్‌బాక్స్ ఇచ్చారు, దీని వల్ల గేర్ షిఫ్టింగ్ చాలా స్మూత్‌గా, ఫాస్ట్‌గా ఉంటుంది. ముఖ్యంగా సిటీ ట్రాఫిక్ లో కూడా ఈ కారు చాలా ఫన్ టు డ్రైవ్. కన్వర్టిబుల్ రూఫ్ డ్రైవింగ్ ఎక్స్పీరియన్స్ ని మరో లెవెల్ కి తీసుకెళ్తుంది, ఓపెన్ రోడ్ మీద ప్రయాణించేటప్పుడు సూపర్ ఫీలింగ్ ఇస్తుంది.

ఫీచర్ లిస్ట్ చాలా ఇంప్రెసివ్ గా ఉంది. ఇందులో LED హెడ్ లైట్లు, డేటైమ్ రన్నింగ్ లైట్లు, హెడ్-అప్ డిస్‌ప్లే ఇచ్చారు. సీట్లు ఆటోమెటిక్ మెమరీ ఫంక్షన్ తో వస్తాయి. కారు లోపల 9.4 ఇంచ్ టచ్‌స్క్రీన్ ఇన్ఫోటైన్మెంట్ సిస్టమ్ ఉంది, సౌండ్ బాగుండాలని హర్మాన్ కార్డన్ ఆడియో సిస్టమ్ అమర్చారు. ఇవే కాకుండా వైర్లెస్ ఫోన్ ఛార్జింగ్, రిమోట్ ఇంజిన్ స్టార్ట్/స్టాప్, టైర్ ప్రెజర్ మానిటరింగ్ సిస్టమ్, మరియు బోట్ ఎయిర్ బ్యాగ్స్ కూడా ఉన్నాయి. ఇంత ప్రీమియం ప్యాకేజీ మార్కెట్లో ఎక్కడా కనిపించదు.

ఈ స్టార్‌డస్ట్ ఎడిషన్ యొక్క అతి పెద్ద హైలైట్ దాని కన్వర్టిబుల్ రూఫ్. గంటకు 30 స్పీడ్ తో వెళ్తున్నా కూడా కేవలం 18 సెకన్లలోపు రూఫ్ ఓపెన్ అయిపోతుంది. అంతే కాదు, క్లోజ్ చేయాలంటే 15 సెకన్లు మాత్రమే పడుతుంది. ఇది CBU యూనిట్ గా దిగుమతి అవుతుంది కాబట్టి బిల్డ్ క్వాలిటీ టాప్ నాచ్ గా ఉంటుంది. దీని ఎక్స్-షోరూమ్ ధర రూ. 62.90 లక్షలు కాగా, సాధారణ మోడల్ కంటే ఇది దాదాపు రూ. 3.9 లక్షలు ఖరీదు. మినీ అధికారిక వెబ్ సైట్ లో వెళ్లి మీరు దీన్ని బుక్ చేసుకోవచ్చు. స్టైల్ మరియు పవర్ కలయికతో లగ్జరీ లవర్స్ కి ఇది ఓ ఫెంటాస్టిక్ ఆప్షన్.