మహేష్ బాబు తాజాగా తన అన్న రమేష్ బాబు మరణంతో తీవ్ర మానసిక కుంగుబాటుకు గురయ్యారని జయకృష్ణ ఘట్టమనేని తెలిపారు. సూపర్ స్టార్ కృష్ణ కుటుంబం ఒకేసారి చాలా నష్టాలను ఎదుర్కొంది. ముందు ఇందిరా దేవి, తర్వాత రమేష్ బాబు, ఆ తర్వాత కృష్ణగారు వెళ్లిపోయారు. ఈ విషాదాల మధ్య కుటుంబ సభ్యుల మనస్తత్వం ఎలా ఉందో జయకృష్ణ ఓ ఇంటర్వ్యూలో చెప్పారు.
Ramesh Babu Death Impact on Mahesh
తన తండ్రి రమేష్ బాబు మరియు తాత కృష్ణ చనిపోయినప్పుడు తాను చాలా చిన్నవాడినని జయకృష్ణ అన్నారు. ఆ పరిస్థితులు తనకు జీవితాన్ని కొత్త కోణంలో చూపించాయి. ఎక్కువగా తన తల్లితోనే మాట్లాడేవాడినని, ఆమె నుంచి ధైర్యం నేర్చుకున్నానని అన్నారు. Life లో ఏం చేయాలి, ఎలా ముందుకు వెళ్లాలి అనే విషయాలపై ఇద్దరం చర్చించేవారమని చెప్పారు. ఆమె నేర్పించిన స్ట్రాంగ్ నేచర్ తనను బలంగా మార్చింది అని ఆయన పేర్కొన్నారు.
తన తండ్రి రమేష్ బాబు మరియు మహేష్ బాబు మధ్య 12 ఏళ్ళ వయసు తేడా ఉండేది. చిన్నప్పటి నుంచి రమేష్ బాబు మహేష్ ను చాలా ప్రేమగా చూసుకునేవారు. కృష్ణగారు షూటింగ్స్ తో బిజీగా ఉన్నప్పుడు మహేష్ బాధ్యతలను రమేష్ బాబే చూసుకునేవారు. అందుకే రమేష్ బాబు కేవలం అన్న మాత్రమే కాదు, రెండో తండ్రి లాంటి వ్యక్తి. వారి మధ్య చాలా ఎమోషనల్ బాండింగ్ ఉండేది. రమేష్ బాబు మరణం మహేష్ ను షాక్ కి గురి చేసింది అని జయకృష్ణ చెప్పారు.
తండ్రి చనిపోయిన తర్వాత మహేష్ బాబు తమ కుటుంబానికి పూర్తి సపోర్ట్ గా నిలిచారు. నేను చిన్నవాడిని కావడంతో ఆ బాధ అర్థం కాలేదు, కానీ మహేష్ బాబాయ్ మాత్రం చాలా కుంగిపోయారు. నాన్నను కోల్పోవడం ఆయనకు పెద్ద షాక్. ఆ తర్వాత పెద్దవాడిని అయినప్పుడు ఆ బాధ ఎంత తీవ్రంగా ఉందో నాకు అర్థమైంది అని జయకృష్ణ భావోద్వేగంగా అన్నారు. మహేష్ బాబు తమకు గైడెన్స్ ఇచ్చారు, మా అమ్మకు కూడా ధైర్యం చెప్పారు. ఆ లోటు తీరేలా అండగా నిలిచారు అని కొనియాడారు.
