Rameswar Rao: హైదరాబాద్లో 2,400 ఎకరాల భూదోపిడీ.. మై హోమ్ రామేశ్వరావు పై తీవ్ర ఆరోపణలు

Rameswar Rao

Rameswar Rao: హైదరాబాద్ నగర శివార్లలోని శంషాబాద్ విమానాశ్రయం సమీపంలో సుమారు రెండు వేల నాలుగు వందల ఎకరాల భూమి కేటాయింపులపై తీవ్రమైన ఆరోపణలు వెల్లువెత్తాయి. గత ప్రభుత్వ హయాంలో అమలైన ధరణి పోర్టల్ విధానాన్ని అడ్డం పెట్టుకుని ఈ భారీ భూ దోపిడీకి పాల్పడ్డారనే విమర్శలు గట్టిగా వినిపిస్తున్నాయి. విమానాశ్రయ విస్తరణకు సరిపడే లేదా మరో కొత్త ఎయిర్‌పోర్ట్ నిర్మించేంతటి విశాలమైన భూభాగం ఒకే వ్యక్తి చేతుల్లోకి ఎలా వెళ్లిందనే అంశంపై పెద్ద ఎత్తున ప్రశ్నలు తలెత్తుతున్నాయి.

Land Controversy Rameswar Rao Near Airport

ఈ భూముల కేటాయింపుల వెనుక ప్రధానంగా అసైన్డ్ భూములు, భూదాన్ భూములు ఉన్నట్లు ఆరోపణలు వస్తున్నాయి. ప్రభుత్వ నిబంధనలకు విరుద్ధంగా పేదలకు చెందాల్సిన భూములను కొందరి బినామీల పేరిట బికాయించారనే విమర్శలు ఉన్నాయి. నాటి పాలకుల అండదండలతోనే ఈ అక్రమ బదలాయింపులు చకచకా జరిగిపోయాయని, అసలు ఈ వ్యవహారంలో ప్రధాన లబ్ధిదారుడిగా నిలిచిన వ్యక్తి నేపథ్యం ఏమిటనే దానిపై సమగ్ర విచారణ జరగాలని డిమాండ్లు వ్యక్తమవుతున్నాయి.

మొత్తం రియల్ ఎస్టేట్ రంగానికి చెందిన ప్రముఖ వ్యాపారవేత్త జుపల్లి Rameswar Rao ఈ వ్యవహారంలో కేంద్ర బిందువుగా ఉన్నట్లు ఆరోపణలు వస్తున్నాయి. మై హోమ్ గ్రూప్ సంస్థల ద్వారా వివిధ రంగాల్లో విస్తరిస్తున్న ఈ పారిశ్రామికవేత్తకు ఇంత భారీ మొత్తంలో విలువైన భూములు ఎలా దక్కాయనేది ఇప్పుడు చర్చనీయాంశంగా మారింది. కేవలం హైదరాబాద్‌కే పరిమితం కాకుండా ముంబై, బెంగళూరు, చెన్నై నగరాలకు కూడా తమ వ్యాపార సామ్రాజ్యాన్ని విస్తరిస్తున్న ఈ గ్రూప్ కార్యకలాపాలపై అనుమానాలు వ్యక్తమవుతున్నాయి.

ప్రభుత్వ రికార్డులను తారుమారు చేసి పేదల భూములను కార్పొరేట్ సంస్థలకు కట్టబెట్టేలా ధరణి పోర్టల్‌ను దుర్వినియోగం చేశారనేది ప్రధాన ఆరోపణగా ఉంది. ఈ భారీ భూ కుంభకోణంపై పారదర్శకమైన దర్యాప్తు చేపట్టి, అన్యాక్రాంతమైన భూములను వెనక్కి తీసుకోవాలని విజ్ఞప్తులు వస్తున్నాయి. ప్రజలకు చెందాల్సిన ప్రజా సంపద కొద్దిమంది వ్యక్తుల చేతుల్లోకి ఎలా వెళ్ళిందనే దానిపై అధికారులు పూర్తిస్థాయిలో దృష్టి సారించాల్సిన అవసరం ఎంతైనా ఉంది.

👉 ఇంకా చదవండి: Maoist attack: కాంగ్రెస్ నేతల ఊచకోత కేసులో 10 మందికి మరణశిక్ష!

Visited 1 times, 1 visit(s) today

Leave a Comment