యంగ్ బ్యూటీ అనుపమ పరమేశ్వరన్ ఎప్పుడూ తన పర్సనల్ విషయాల గురించి పెద్దగా మాట్లాడదు. కానీ ఇప్పుడు ఓ ఇంటర్వ్యూలో మాత్రం తన గతం గురించి చాలా ఓపెన్ అయిపోయింది. ఒకప్పుడు తాను ప్రేమించిన అబ్బాయి తనను ఎంతలా mentally torture చేశాడో ఆమె కళ్లలో నీళ్లు తిరిగేలా చెప్పుకొచ్చింది. ఆమె చెప్పిన కొన్ని విషయాలు విన్న ఫ్యాన్స్ కూడా షాక్ అవుతున్నారు. ఈ వీడియో ప్రస్తుతం సోషల్ మీడియాలో బాగా వైరల్ అవుతోంది.
Anupama Toxic Relationship Reveal Story
ఆ అబ్బాయితో తనకు దాదాపు రెండేళ్ల పాటు రిలేషన్ షిప్ ఉందని అనుపమ చెప్పింది. ఆ సమయంలో అతను తన ఆత్మగౌరవాన్ని పూర్తిగా దెబ్బతీశాడని, తనను ఎప్పుడూ తక్కువ చేసి మాట్లాడేవాడని ఆమె వెల్లడించింది. నటిగా తన కెరీర్ ని కూడా అతను సీరియస్ గా తీసుకునేవాడు కాదని, ఆ విషయంలో కూడా చులకనగా మాట్లాడేవాడని ఆవేదనగా చెప్పుకొచ్చింది. ఒక మహిళకు జరిగే అత్యంత సహజమైన శారీరక విషయమైన periods గురించి కూడా అతను తనను అవమానించేవాడని, ఆ మాటలు తట్టుకోలేకపోయానని కన్నీళ్లు పెట్టుకుంది.
చాలా రోజుల వరకు ఆ విషపూరిత బంధంలోనే ఉండిపోయానని, అతన్ని వదిలేయాలన్న ధైర్యం కూడా రాలేదని అనుపమ చెప్పింది. అతని మాటల వల్ల తనలో ఉన్న సెల్ఫ్ కాన్ఫిడెన్స్ పూర్తిగా పోయిందని, తను ఏ పనికీ పనికిరాననే ఫీలింగ్ వచ్చేదని ఆమె తెలిపింది. కానీ చివరికి మాత్రం మానసికంగా ధైర్యం తెచ్చుకుని, అతన్ని పూర్తిగా తన జీవితం నుంచి తీసేసినట్లు చెప్పింది. అదే నిర్ణయం తన లైఫ్ ని మార్చేసిందని ఆమె స్పష్టం చేసింది.
ఆ toxic relationship నుంచి బయటకు వచ్చిన తర్వాతే నిజమైన ప్రశాంతత ఏంటో తెలిసిందని అనుపమ చెప్పింది. ఇప్పుడు తను చాలా హ్యాపీగా ఉన్నానని, తన వర్క్ మీద ఫోకస్ పెట్టానని తెలిపింది. ప్రస్తుతం ఈమె చెప్పిన ఈ విషయాలను విన్న ఆమె అభిమానులు, తోటి సెలబ్రిటీలు సోషల్ మీడియా ద్వారా సపోర్ట్ చేస్తున్నారు. ఇలాంటి విషయాలను బయటకు చెప్పడానికి చాలా ధైర్యం కావాలని, అనుపమ మంచి ఉదాహరణగా నిలిచిందని కొందరు కామెంట్స్ చేస్తున్నారు.
