DSC-2002: విద్యాశాఖ తీరుపై హైకోర్టు ఆగ్రహం.. కారణం ఏంటంటే?

DSC-2002: విద్యాశాఖ తీరుపై హైకోర్టు ఆగ్రహం.. కారణం ఏంటంటే?

by
DSC-2002: విద్యాశాఖ తీరుపై హైకోర్టు ఆగ్రహం.. కారణం ఏంటంటే?

అభ్యర్థుల నియామక ప్రక్రియలో విద్యాశాఖ వ్యవహరిస్తున్న తీరుపై తెలంగాణ హైకోర్టు తీవ్ర అసంతృప్తి వ్యక్తం చేసింది. హిందీ పండిట్ గ్రేడ్-2 ఉపాధ్యాయులుగా తమను నియమించాలని కోరుతూ అభ్యర్థులు పెట్టుకున్న దరఖాస్తులను అధికారులు యాంత్రికంగా తిరస్కరించడంపై న్యాయస్థానం ఆగ్రహం వ్యక్తం చేసింది. గతంలో ఇచ్చిన ఆదేశాల స్ఫూర్తికి విరుద్ధంగా ఈ నిర్ణయం ఉందని ధర్మాసనం వ్యాఖ్యానించింది.

DSC 2002 Candidate Plea High

ఈ కేసుకు సంబంధించిన వివరాలను పరిశీలిస్తే, 2022 జూలై 13న హైకోర్టు వెలువరించిన తీర్పు ప్రకారం అభ్యర్థుల అర్హతలను పరిశీలించి తగిన ఉత్తర్వులు జారీ చేయాలని ప్రభుత్వాన్ని ఆదేశించింది. అయితే, ఆ ఆదేశాలను అమలు చేయకపోవడంతో పలువురు అభ్యర్థులు కోర్టు ధిక్కరణ పిటిషన్లు దాఖలు చేశారు. దీనిపై విచారణ చేపట్టిన యాక్టింగ్ చీఫ్ జస్టిస్ పి. సామ్ కోశి, జస్టిస్ ఎన్.వి. శ్రవణ్ కుమార్‌లతో కూడిన ధర్మాసనం అధికారుల తీరును తప్పుబట్టింది.

విద్యాశాఖ ప్రిన్సిపల్ సెక్రటరీ డాక్టర్ యోగితా రాణా వర్చువల్‌గా హాజరైన ఈ విచారణలో, అభ్యర్థుల విజ్ఞప్తులను తిరస్కరించడం వెనుక ముందస్తుగా నిర్ణయించుకున్న ఆలోచన కనిపిస్తోందని కోర్టు అభిప్రాయపడింది. గతంలో ప్రభుత్వం తరపు న్యాయవాదులు చెప్పిన విషయాలను, రికార్డులను పరిగణనలోకి తీసుకోకుండానే ఈ నిర్ణయం తీసుకున్నారని న్యాయమూర్తులు అసహనం వ్యక్తం చేశారు. గత ఉత్తర్వుల అమలులో అధికారులు నిర్లక్ష్యంగా వ్యవహరించారని పేర్కొన్నారు.

ఇవి కూడా చదవండి:

ఈ వ్యవహారానికి సంబంధించి 2008 జూలై 22 నాటి జిల్లా విద్యాశాఖ అధికారి లేఖతో పాటు ఇతర కీలక రికార్డులను సమర్పించాలని ప్రభుత్వానికి న్యాయస్థానం సూచించింది. తదుపరి విచారణను నవంబర్ 23, 2026కి వాయిదా వేస్తూ కీలక ఆదేశాలు ఇచ్చింది. వచ్చే విచారణ సమయంలో కూడా విద్యాశాఖ ప్రిన్సిపల్ సెక్రటరీ వర్చువల్‌గా హాజరుకావాలని ధర్మాసనం స్పష్టం చేసింది.

మరిన్ని వార్తల కోసం..

సంబంధిత వార్తలు

Leave a Comment