మూడేళ్ల బ్రేక్ తర్వాత సమంత ‘మా ఇంటి బంగారం’ సినిమాతో వచ్చేసింది. ఈ లేడీ ఓరియెంటెడ్ మూవీ బాక్సాఫీస్ వద్ద భారీ హిట్ కొట్టేసింది. నందిని రెడ్డి డైరెక్ట్ చేసిన ఈ సినిమాలో సమంతతో పాటు ఆమె భర్త రాజ్ నిడిమోరు నిర్మాతగా వ్యవహరించాడు. విడుదలై 32 రోజులైనా ఇంకా కొన్ని థియేటర్లలో ఈ సినిమా ఆడుతూనే ఉంది. అలాగే ఓటీటీలో కూడా మంచి స్పందన రావడం విశేషం. సమంత యాక్షన్, కామెడీ, నటన అందరినీ ఆకట్టుకుంది. ముఖ్యంగా ఫ్యామిలీ ఆడియన్స్ ఈ సినిమాను బాగా సపోర్ట్ చేయడంతో సినిమా బ్లాక్ బస్టర్ అయింది. లేడీ ఓరియెంటెడ్ మూవీస్ లో తెలుగులో అత్యధిక వసూళ్లు సాధించిన సినిమాల్లో ఇది ఒకటిగా నిలిచింది.
Samantha Comeback in Maa Inti Bangaram
ట్రేడ్ వర్గాల ప్రకారం ప్రస్తుతం సినిమా ప్రపంచవ్యాప్తంగా రూ.99.51 కోట్ల గ్రాస్ వసూళ్లు రాబట్టింది. కొన్ని వెబ్ సైట్లు ఇంకా రూ.100 కోట్ల మార్క్ అధికారికంగా నమోదు చేయలేదు కానీ, చిత్ర బృందం మాత్రం వారం రోజుల క్రితమే సినిమా 100 కోట్ల క్లబ్ లో చేరినట్లు ప్రకటించింది. మిస్ లీడ్ ఇవ్వకూడదని సమంత ప్రత్యేకంగా కేర్ తీసుకుందట. అందుకే అధికారిక లెక్కలకు, ట్రేడ్ అంచనాలకు కొంచెం తేడా ఉందని సినీ వర్గాలు చెబుతున్నాయి.
భారతదేశంలో సినిమా సుమారు రూ.71.71 కోట్ల గ్రాస్, రూ.61.96 కోట్ల నెట్ వసూళ్లు నమోదు చేసింది. ఓవర్సీస్ లో కూడా విపరీతమైన స్పందన రావడంతో దాదాపు రూ.27.80 కోట్ల గ్రాస్ వచ్చింది. ఇలా దేశీయ, అంతర్జాతీయ మార్కెట్లలో సినిమా ఘన విజయంగా నిలిచింది. ఈ చిత్రం నిర్మాణ వ్యయం రూ.30 కోట్లు అని అంచనా. కానీ డిజిటల్, శాటిలైట్ వంటి నాన్ థియేట్రికల్ హక్కుల ద్వారా రూ.35 కోట్లు రావడంతో విడుదలకు ముందే సినిమా ప్రాఫిట్ లోకి వచ్చేసింది.
సమంత కంబ్యాక్ మరింత ఘనంగా జరిగింది. ఇప్పటికే మహేష్ బాబుతో కొత్త సినిమా సైన్ చేసేసింది. ప్రస్తుతానికి సమంత ఫ్యాన్స్ అయితే ‘మా ఇంటి బంగారం’ విజయంతో హ్యాపీగా ఉన్నారు. సమంత రోజ్ ను రికార్డు బ్రేక్ చేస్తూ మరో సినిమా త్వరలో రిలీజ్ అవుతుందా అనే ఆసక్తి కూడా జనాల్లో ఉంది.
