బాలీవుడ్ నటుడు రామ్ కపూర్ తన బాల్యంలో ఎదుర్కొన్న వేధింపుల గురించి ఇటీవల బహిరంగంగా మాట్లాడి అందరినీ ఆశ్చర్యపరిచారు. ఈ సంచలన విషయాన్ని ఆయన ‘లాక్ అప్ సీజన్ 2’ షోలో ఒక టాస్క్ సమయంలో వెల్లడించాడు. రామ్ కపూర్ తన బాల్యంలో సీనియర్ స్టూడెంట్ నుంచి జరిగిన లైంగిక వేధింపు గురించి నొక్కి చెప్పాడు, ఇది చూసిన హోస్ట్ ఫరా ఖాన్ తో సహా అందరూ ఎమోషనల్ అయ్యారు.
రామ్ కపూర్ తాను 13 ఏళ్ల వయసులో బోర్డింగ్ స్కూల్లో 8వ తరగతి చదువుతున్నప్పుడు ఈ సంఘటన జరిగిందని వివరించాడు. ఒక రోజు హాస్టల్ గదిలో 30-40 మంది విద్యార్థులు ఉండగా, 10వ తరగతి చదివే సీనియర్ తన బెడ్పైకి వచ్చి దుప్పటి కింద నుంచి తప్పుగా తాకడం మొదలుపెట్టాడు. తనకు ఆ సమయంలో ఏమీ చేయాలో తోచలేదని, పూర్తిగా షాక్ అయ్యానని ఆయన చెప్పారు. అయితే కాసేపు గట్టిగా తనకు ఇది నచ్చదని చెప్పడంతో సీనియర్ వెంటనే అక్కడ నుంచి వెళ్లిపోయాడు.
ఆ సంఘటన తర్వాత తాను చాలా రోజుల పాటు సైలెంట్గా మారిపోయానని, మానసికంగా చాలా ఇబ్బంది పడ్డానని రామ్ కపూర్ తెలిపారు. ఆశ్చర్యకరంగా, కొన్ని వారాల తర్వాత ఆ సీనియర్ స్వయంగా వచ్చి క్షమాపణలు చెప్పాడు. తర్వాత రోజుల్లో అతనే తనను మానసికంగా కోలుకోవడానికి సహాయం చేశాడని, వారిద్దరూ మంచి ఫ్రెండ్స్ అయ్యారని రామ్ చెప్పారు. ఈ విషయం గత 40 ఏళ్లుగా సీక్రెట్గా ఉంచానని, తన భార్య గౌతమికి మాత్రమే తెలుసునని ఆయన వెల్లడించారు.
రామ్ కపూర్ ఆ సీనియర్ చేసిన పనిని హార్మోన్ల ప్రభావం మరియు టీనేజ్ క్యూరియాసిటీగా వర్ణించాడు. అతను చెడ్డవాడు కాదని స్పష్టం చేస్తూ, ఇలాంటి చేదు అనుభవం ఏ పిల్లకీ రాకూడదని ఆశించాడు. రామ్ కపూర్ ఈ సంచలన ప్రకటనతో పేరెంట్స్ మరియు సొసైటీ మధ్య అవగాహన పెంచే ప్రయత్నం చేశాడు.
