Telangana Census Schedule: 2027 జనగణన షెడ్యూల్ వచ్చేసింది.. ఆ తేదీల నుంచే?

Census schedule

రాష్ట్ర ప్రభుత్వం 2027 నాటి జనాభా గణన రెండో దశకు సంబంధించిన షెడ్యూల్‌ను అధికారికంగా ప్రకటించింది. దీని ప్రకారం వచ్చే ఏడాది జనవరి 10 నుంచి 24వ తేదీ వరకు పౌరులు తమ వివరాలను ఆన్‌లైన్ ద్వారా స్వయంగా నమోదు చేసుకునే వెసులుబాటు కల్పించారు. అనంతరం జనవరి 25 నుంచి అధికారుల ఆధ్వర్యంలో ఇంటింటికీ వెళ్లి సమాచారాన్ని సేకరించే ప్రక్రియ ప్రారంభం కానుంది.

Telangana census schedule notifies 2027

కేంద్ర హోం వ్యవహారాల మంత్రిత్వ శాఖ జారీ చేసిన మార్గదర్శకాలకు అనుగుణంగా రాష్ట్ర సాధారణ పరిపాలన విభాగం ఈ ఉత్తర్వులను వెలువరించింది. ఈసారి జనాభా గణనలో తొలిసారిగా డిజిటల్ విధానాన్ని ప్రవేశపెడుతున్నారు. గణన సిబ్బంది మొబైల్ అప్లికేషన్ ద్వారా వివరాలను నమోదు చేస్తారు. మార్చి 1 నుంచి 5వ తేదీ వరకు సవరణల రౌండ్ నిర్వహించి తుది గణాంకాలను ఖరారు చేస్తారు.

గణన ప్రక్రియ కోసం ఎన్యుమరేటర్ల నియామక నిబంధనలను ప్రభుత్వం సవరించింది. ప్రభుత్వ ఉపాధ్యాయులతో పాటు ప్రైవేట్ విద్యాసంస్థల సిబ్బంది, ప్రభుత్వ రంగ సంస్థల ఉద్యోగులు, బ్యాంక్ సిబ్బందిని కూడా ఈ విధుల్లో నియమించుకునే అవకాశం కల్పించారు. రాష్ట్ర, కేంద్ర ప్రభుత్వ శాఖల్లో పనిచేసే క్లర్కులు, ఇతర అధికారులను కూడా ఈ భారీ కసరత్తులో భాగస్వామ్యం చేయనున్నారు.

ఇవి కూడా చదవండి:

దేశవ్యాప్తంగా జరిగే 16వ జనగణనలో భాగంగా రాష్ట్రంలో రెండు దశల్లో సర్వే నిర్వహించనున్నారు. మొదటి దశలో గృహాల జాబితా, వసతుల వివరాలను సేకరించగా, రెండో దశలో జనాభా గణనపై దృష్టి సారిస్తారు. 16 భాషల్లో అందుబాటులో ఉన్న సెల్ఫ్ ఎన్యుమరేషన్ సౌకర్యం ద్వారా ప్రజలు తమ కుటుంబ వివరాలను ముందుగానే సమర్పించే వీలుంటుందని అధికారులు తెలిపారు.

మరిన్ని వార్తల కోసం..



Visited 1 times, 1 visit(s) today

Leave a Comment