భారత క్రికెట్ యువ సంచలనం వైభవ్ సూర్యవంశీ మళ్ళీ నెట్స్లో చెమటోడుస్తూ రాబోయే జింబాబ్వే టీ20 సిరీస్కు సిద్ధమవుతున్నాడు. ఇంగ్లాండ్ పర్యటనలో ఆశించిన ప్రదర్శన ఇవ్వలేదు కానీ, ఈ సారి తప్పులను సరిదిద్దుకుని మంచి కంబ్యాక్ ఇవ్వాలనే ప్లాన్ చేస్తున్నాడు.
Vaibhav Suryavanshi comeback plan
ఇంగ్లాండ్తో జరిగిన టీ20 సిరీస్లో వైభవ్ వరుసగా 14, 13, 15 పరుగులు మాత్రమే చేశాడు. ఆ సిరీస్లో టీమిండియా 0-4తో ఓడిపోయింది. ఆ తర్వాత లండన్లో వింబుల్డన్ వీక్షించడానికి కొన్ని రోజులు గడిపిన వైభవ్, అభిషేక్ శర్మ, సంజు శాంసన్, యువరాజ్ సింగ్ లాంటి స్టార్స్తో కలిశాడు.
ప్రస్తుతం వైభవ్ రాజస్థాన్ రాయల్స్ హై పర్ఫార్మెన్స్ సెంటర్లో ప్రాక్టీస్ మొదలుపెట్టాడు. రాజస్థాన్ రాయల్స్ తమ సోషల్ మీడియాలో షేర్ చేసిన వీడియో వైరల్ అవుతోంది. ఇందులో ఆటగాళ్లు, సపోర్ట్ స్టాఫ్ అతనికి ‘గార్డ్ ఆఫ్ ఆనర్’ ఇచ్చి, రెండు వరుసలలో నిలబడి వెల్కమ్ చెప్పారు. ‘బ్యాక్ టు వర్క్’ క్యాప్షన్తో షేర్ చేసిన ఈ వీడియోతో వైభవ్ పూర్తి ఫోకస్ క్రికెట్ మీద పెట్టినట్లు క్లియర్ అయింది.
జింబాబ్వేతో మూడు మ్యాచ్ల టీ20 సిరీస్ జులై 23, 25, 26 తేదీల్లో హరారేలో జరగనుంది. వైభవ్ ప్రత్యేకంగా షార్ట్ బాల్ బలహీనతను సరిదిద్దుకోవడానికి ఈ ప్రాక్టీస్ సెషన్ ని ఉపయోగించుకుంటున్నాడు. యంగ్ ప్లేయర్ ఈ సిరీస్లో మంచి ప్రదర్శనతో మెరిసే అవకాశాలు ఎక్కువగా ఉన్నాయి.
