నదుల అనుసంధానం ఒక కలగా మిగిలిపోతుందని అనుకున్నారు, కానీ ఆంధ్రా సర్ ఆర్ధర్ ‘కాటన్’ చంద్రబాబు పట్టిసీమతో ఆ అడ్డంకిని తొలగించారు. చంద్రబాబు ప్రాక్టికల్ గా ఇది సాధ్యం కాదన్న వైసీపీ విమర్శలను పక్కన పెట్టి, గోదావరి-కృష్ణా అనుసంధానంలో రికార్డు సృష్టించారు. అయినా కొందరు దీన్ని కేవలం రాజకీయ ప్రయోజనం కోసం చేసిన పనిగా మాత్రమే చూస్తున్నారా? నదుల అనుసంధానం వల్ల రైతులకు ఎంత లాభం వచ్చింది అనేది ముఖ్యం.
River Linking Success Story
2015 మార్చిలో మొదలుపెట్టి, కేవలం ఏడాదిలోనే పట్టిసీమను పూర్తి చేసి లిమ్కా బుక్ లో చోటు సంపాదించారు. ఇప్పటి వరకు 450 టీఎంసీల గోదావరి జలాన్ని కృష్ణా డెల్టాకు తరలించి 13 లక్షల ఎకరాలు స్థిరీకరించారు. కేఎల్ రావు జయంతి సందర్భంగా ఇబ్రహీంపట్నం వద్ద జలహారతితో నీటిని విడుదల చేశారు. అక్కడే జగన్ సర్కార్ ను జోరుగా విమర్శించారు.
చంద్రబాబు ఆ సందర్భంగా పోలవరం నిర్వీర్యం, వెలిగొండ ప్రాజెక్టు మోసం గురించి బట్టబయలు చేశారు. వెలిగొండ ప్రాజెక్టు సొలో యంత్రం ఇరుక్కుపోయిన విషయాన్ని దాచిపెట్టి, జగన్ ప్రాజెక్టును జాతికి అంకితం చేసిన మోసకారి అని మండిపడ్డారు. ఆ ప్రారంభోత్సవ బోర్డును మ్యూజియంలో పెట్టాలని సూచించారు.
అంతేకాదు, వంశధార-నాగావళి-గోదావరి-కృష్ణా-పెన్నా నదుల అనుసంధానం తన స్వప్నమని తెలిపారు. గుంటూరు ఛానల్, చింతలపూడి, వరికపూడిశెల ప్రాజెక్టులకు నిర్దిష్ట తేదీలు ప్రకటించి ప్రభుత్వ చిత్తశుద్ధిని చాటుకున్నారు. నెటిజన్లు ఆయనను ఆంధ్రా సర్ ఆర్ధర్ ‘కాటన్’ గా ప్రశంసిస్తున్నారు.
