ఫెరారీ తమ కొత్త అమాల్ఫీ స్పైడర్ ను భారత్లో రూ.4.60 కోట్ల బేస్ ధరతో రిలీజ్ చేసింది. ఇది 640 హెచ్పీ పవర్ కలిగిన వి8 ఇంజిన్ ఉన్న కన్వర్టిబుల్ సూపర్కార్. కేవలం 3.3 సెకన్లలో సున్నా నుండి వంద కిలోమీటర్ల వేగాన్ని అందుకునే ఈ కారు గరిష్ట వేగం గంటకు 320 కిలోమీటర్లు. ఇది ఇప్పటికే మార్చి 2026లో గ్లోబల్ మార్కెట్లో లాంచ్ అయిన మోడల్.
Ferrari Amalfi Spider కారు ధర
ఈ సూపర్కార్ లో 3.9 లీటర్ ట్విన్-టర్బో V8 ఇంజిన్ ఉంది. ఇది 760 Nm టార్క్ ను జనరేట్ చేస్తుంది. ఎనిమిది స్పీడ్ డ్యూయల్ క్లచ్ ఆటోమెటిక్ గేర్బాక్స్ తో కలిసి పనిచేస్తుంది. ఫెరారీ డిజైన్ లో ఫోల్డింగ్ ఫ్యాబ్రిక్ రూఫ్ మెయిన్ అట్రాక్షన్. ఈ రూఫ్ కేవలం 13.5 సెకన్లలో ఓపెన్ లేదా క్లోజ్ అవుతుంది. గంటకు 60 కిలోమీటర్ల వేగంతో కూడా మీరు ఈ ఫీచర్ ను యూజ్ చేసుకోవచ్చు. రూఫ్ కోసం నాలుగు కలర్ ఆప్షన్స్ ఉన్నాయి. అలాగే ఎక్స్టీరియర్ లో కొత్త రోస్సో ట్రామోంటో రంగు కూడా అందుబాటులో ఉంది.
ఈ కారు టెక్నాలజీ చాలా అడ్వాన్స్డ్గా ఉంది. ఇందులో 10.25 ఇంచ్ టచ్ స్క్రీన్ ఇన్ఫోటైన్మెంట్, 15.6 ఇంచ్ డిజిటల్ డ్రైవర్ డిస్ప్లే మరియు 8.8 ఇంచ్ ప్యాసింజర్ డిస్ప్లే ఉన్నాయి. వైర్లెస్ ఆపిల్ కార్ప్లే, ఆండ్రాయిడ్ ఆటో మరియు వైర్లెస్ ఛార్జింగ్ వంటి ఫీచర్లు కూడా ఇందులో ఉన్నాయి. 2+2 సీటింగ్ లేఅవుట్ తో డ్రైవర్-ఫోకస్డ్ క్యాబిన్ డిజైన్ చేశారు. పావర్ స్పోర్ట్స్ సీట్లు మరియు ఆటోమేటిక్ ఏసీ వంటి సౌకర్యాలు కూడా లభిస్తాయి.
సూపర్కార్ అయినా, ప్రాక్టికల్గా యూజ్ చేసుకునేలా బూట్ స్పేస్ కూడా ఇచ్చారు. రూఫ్ క్లోజ్ అయినప్పుడు 255 లీటర్ల బూట్ స్పేస్, రూఫ్ ఓపెన్ అయినప్పుడు 172 లీటర్ల లగేజ్ స్పేస్ అందుబాటులో ఉంటుంది. ఫెరారీ అమాల్ఫీ స్పైడర్ ధర రూ.4.60 కోట్లు (ఎక్స్-షోరూమ్) గా నిర్ణయించారు. ఇది ఆప్షన్స్ మినహా బేస్ ప్రైస్. ఈ మోడల్ ను భారత్కు త్వరగా తీసుకురావడం విశేషం.
