నిజామాబాద్లో ఓ భర్త ప్రశాంత్‌ను అతని భార్యే హార్పిక్ ఎక్కించి హత్య చేసిన ఘటన తీవ్ర సంచలనం రేపింది. సంధ్య అనే భార్య వివాహేతర సంబంధం పెట్టుకొని.. తన భర్తను కిరాతకంగా చంపేసింది. ఈ హార్పిక్ కేసులో పోలీసుల విచారణలో ఓ ఆడియో కూడా బయటపడింది. ఇది ఇప్పుడు సోషల్ మీడియాలో వైరల్ అవుతోంది.
సంధ్య ముందుగా భర్తకు బాగా మందుపట్టించి.. మత్తు ఎక్కువైందనుకొని మేడ మీద నుంచి తోసేసింది. కానీ ఆ ప్రమాదంలో ప్రశాంత్ బతికిపోవడంతో ఆమె మరింత క్రూరమైన ప్లాన్ వేసింది. ఒక హార్పిక్ బాటిల్ తెచ్చి ఆ లిక్విడ్‌ను సిరంజిలో నింపి భర్త నరాల్లోకి ఎక్కించి హత్య చేసింది. ఈ దారుణాన్ని తన ప్రియుడు బంటి సాయంతో సాధించింది.
పోలీసుల దర్యాప్తులో లభించిన ఆడియోలో సంధ్య తన ప్రియుడితో మాట్లాడుతూ “బాగా తాగించి పడుకోబెట్టు, అతను నిద్రలోకి జారకపోతే ఇంకా మందు తెప్పించు” అని చెప్పింది. ఆమె ఈ ప్లాన్‌ని బాగా ముందుగానే రచించిందని స్పష్టమవుతోంది. ఈ హార్పిక్ హత్య కేసులో ఇది కీలక ఆధారంగా మారింది.
ప్రస్తుతం పోలీసులు ఇద్దరు నిందితులను అరెస్ట్ చేసి విచారిస్తున్నారు. భర్త నరాల్లో హార్పిక్ ఎక్కించి హత్య చేసిన ఈ ఘటన నిజామాబాద్లో పెద్ద చర్చకు దారి తీసింది. భార్య ఇంత కిరాతకంగా ప్రవర్తించడం అందరినీ షాక్ చేసింది.
ప్రశాంత్ – పక్కా ఫిల్మీ తెలుగు ఎడిటర్. తెలంగాణ, ఆంధ్రప్రదేశ్ రాజకీయాలు, తెలుగు సినిమా, క్రీడలు, ప్రభుత్వ పథకాలు మరియు ప్రజలకు ఉపయోగపడే వార్తలను సులభమైన తెలుగులో అందిస్తారు. ప్రతి వార్త మా ఎడిటోరియల్ పాలసీ ప్రకారం సమాచారం సరిచూసిన తర్వాతే ప్రచురించబడుతుంది. ఫాలో అవ్వండి — X: https://x.com/pakkafilmy007 | Telegram: https://t.me/pakkafilmytelugu | Instagram: https://instagram.com/pakkafilmy_
