వరంగల్ జిల్లా రాజకీయాల్లో మంత్రి కొండా సురేఖ, స్టేషన్ ఘన్పూర్ ఎమ్మెల్యే కడియం శ్రీహరి మధ్య పాత పోటీ మళ్లీ తాజాగా మారింది. ఇద్దరి మధ్య పవర్ టస్ల్ మరోసారి బయటపడింది. మంత్రి సురేఖపై కడియం సమీక్ష వివాదం ఇప్పుడు రాష్ట్ర రాజకీయాల్లో హాట్ టాపిక్గా మారింది. సురేఖ తన శాఖ అయిన దేవాదాయ శాఖను కడియం తన అనుమతి లేకుండా సమీక్షించారని ఆరోపిస్తున్నారు. ఈ ఘటన సీఎం రేవంత్ రెడ్డి వరకు వెళ్లింది.
మంత్రి సురేఖ విదేశాల్లో పర్యటించిన సమయంలో కడియం దేవాదాయ శాఖ అధికారులతో రెండు గంటల పాటు సమీక్ష జరిపినట్లు సురేఖ ఆరోపించారు. ఇది రూల్ ఆఫ్ బిజినెస్ ను ఉల్లంఘించడం అని, మంత్రి ఎక్స్ అఫిషియో నిబంధనలను కూడా అతిక్రమించడమేనని ఆమె సీఎంకు లేఖలో స్పష్టం చేశారు. సురేఖ తన లేఖలో కడియంపై చర్యలు తీసుకోవాలని డిమాండ్ చేశారు. తన శాఖపై మరో మంత్రి సమీక్ష చేయడం తప్పు అని ఘాటుగా పేర్కొన్నారు.
అయితే కడియం శ్రీహరి మాత్రం ఈ ఆరోపణలను తిరస్కరించారు. తాను ఎలాంటి సమీక్ష చేయలేదని, దేవాదాయ శాఖ అధికారులతో సాధారణ భేటీ మాత్రమేనని చెప్పారు. కేవలం నివేదిక వివరణ కోసం అధికారులు తనను కలిశారని, ఇందులో తప్పేముందని ప్రశ్నించారు. సీఎం పిలిస్తే పూర్తి వివరాలు ఇవ్వడానికి తాను రెడీగా ఉన్నానని కడియం స్పందించారు.
ఈ పవర్ టస్ల్ మరింత పెరగడంతో సీఎం రేవంత్ రెడ్డికి ఈ వ్యవహారం తలనొప్పిగా మారింది. ఒక వైపు మంత్రి సురేఖ లేఖ రాయగా, మరో వైపు కడియం తన వాదన వినిపిస్తున్నారు. ఇప్పుడు సీఎం ఎలాంటి నిర్ణయం తీసుకుంటారు అనేది ఆసక్తికరంగా మారింది. ఈ కేసు తెలంగాణ రాజకీయాల్లో కొత్త చర్చకు దారి తీసింది.
