మంచిర్యాల కలెక్టర్ కుమార్ దీపక్ తాండూర్ తాండూర్ బెల్లంపల్లి మండలంలో ప్రతిపాదించిన మహావీర్ ఖని ఓపెన్ కాస్ట్ ప్రాజెక్ట్ కోసం భూసేకరణ ప్రక్రియను పరిశీలించారు. ఆయన బుధవారం ఆ ప్రాంతంలో పర్యటించి, ఓపెన్ కాస్ట్ హద్దులు, మ్యాప్లు, ప్రభావిత ప్రాంతాలను స్వయంగా చూశారు. సింగరేణి అధికారులతో బొగ్గు ఉత్పత్తి లక్ష్యాలు, గని జీవితకాలం, స్థానికులకు ఉపాధి అవకాశాలపై చర్చించారు.
Mahaveer Open Cast Land Review
కలెక్టర్ కొత్తగా నిర్మించిన ప్రాంతాలను కూడా పరిశీలించి, నాలా అనుమతులు ఉన్నాయో లేదో అడిగి తెలుసుకున్నారు. ఈ టూర్ లో బెల్లంపల్లి సబ్ కలెక్టర్ మనోజ్ కుమార్, తాండూర్ తహసీల్దార్ జ్యోత్స్న, సింగరేణి అధికారులు పాల్గొన్నారు. ఈ ప్రాజెక్ట్ వలన బొగ్గు ఉత్పత్తి పెరిగి ఆ ప్రాంతానికి ఎకనామిక్ డెవలప్ మెంట్ జరుగుతుందని అధికారులు అంచనా వేస్తున్నారు.
మరో వైపు, మందమర్రి ఏరియాలోని కల్యాణిఖని ఓపెన్ కాస్ట్ ప్రాజెక్ట్ కోసం కాసిపేట సంస్థ భూసేకరణను కూడా కలెక్టర్ పరిశీలించారు. పెద్దనపల్లి గ్రామంలోని నాన్ ఫారెస్ట్ ల్యాండ్ ను సబ్ కలెక్టర్ తో కలిసి వీక్షించారు. స్థానికులకు ఎలాంటి ఇబ్బంది లేకుండా భూసేకరణ చేయాలని, ప్రాజెక్ట్ పనులు స్పీడ్ గా పూర్తి చేయాలని అధికారులను ఆదేశించారు.
అనంతరం సబ్ కలెక్టర్ మనోజ్ కుమార్ మందమర్రి ఏరియా జీఎం రాధాకృష్ణతో చర్చించి భూసేకరణ ప్రక్రియను ప్రారంభించారు. తహసీల్దార్ భూభారతి, సాదాబైనామా వంటి పలు సూచనలు చేశారు. ఈ రెండు ప్రాజెక్టుల వలన సింగరేణి బొగ్గు ఉత్పత్తి పెరిగి ఆ ప్రాంతంలో ఉపాధి అవకాశాలు మెరుగవుతాయని అధికారులు భావిస్తున్నారు.
