ప్రభాస్ నటిస్తున్న స్పిరిట్ సినిమా కోసం కత్రినా కైఫ్ రీఎంట్రీ గురించి ఇప్పుడు బాగా చర్చ జరుగుతోంది. సందీప్ రెడ్డి వంగ డైరెక్ట్ చేస్తున్న ఈ పోలీస్ యాక్షన్ ఫిల్మ్ లో ఇప్పటికే 40 శాతం షూటింగ్ కంప్లీట్ అయింది. అయితే ఈ సినిమాలో ఒక ప్రత్యేకమైన గెస్ట్ రోల్ కోసం ఒక స్టార్ హీరోయిన్ ని తీసుకొస్తే బాగుంటుందని డైరెక్టర్ ప్లాన్ చేశాడు.
Spirit కత్రినా కైఫ్ entry discussion
ఈ సినిమాలో తృప్తి దిమ్రి హీరోయిన్ గా నటిస్తుండగా, ఐశ్వర్య దేశాయ్ కూడా కీలక పాత్రలో కనిపించబోతోంది. ఇప్పుడు మరో ఇద్దరు హీరోయిన్స్ ని గెస్ట్ రోల్స్ కోసం ప్లాన్ చేస్తున్నారట. వాళ్ళలో ఒకరు కత్రినా కైఫ్. ఆమె ఒకప్పుడు తెలుగులో సినిమాలు చేసి, బాలీవుడ్ లో స్టార్ హీరోయిన్ గా ఎదిగింది. విక్కీ కౌశల్ ని పెళ్లి చేసుకుని ఇటీవల ఒక బాబుకు తల్లి కూడా అయింది. అందుకే ఆమె సినిమాలకు దూరంగా ఉంటోంది.
కత్రినా చివరి సినిమా మెరి క్రిస్టమస్ 2024లో విడుదలైంది. ఆ తర్వాత ఆమె సోషల్ మీడియాలో మాత్రమే యాక్టివ్ గా ఉంది. ఇప్పుడు స్పిరిట్ సినిమాలోకి ఆమెను తీసుకొచ్చేందుకు సందీప్ ప్రయత్నిస్తున్నాడు. ఒక్క రెండు రోజుల కాల్షీట్స్ ఇస్తే ఆ గెస్ట్ రోల్ షూటింగ్ పూర్తవుతుంది. కత్రినా ఒప్పుకుంటే ఆమె కెరీర్ కి మళ్ళీ మంచి హైప్ వస్తుంది. ఒప్పుకోకపోతే వేరే హీరోయిన్ ని తీసుకోవాల్సి ఉంటుంది.
కత్రినా స్పిరిట్ లో నటిస్తే బాలీవుడ్ లో ఈ సినిమాకు మరింత ప్రచారం వస్తుంది. ఆమె ఫామ్ ని మళ్ళీ తెచ్చుకోవడానికి ఇది మంచి అవకాశం కూడా. ఇప్పుడు అందరూ కత్రినా నిర్ణయం కోసం ఎదురుచూస్తున్నారు. మరి సందీప్ ఆమెను ఒప్పించగలడా లేదా అనేది చూడాలి.
