విరాట్ కోహ్లీతో జరిగిన ఆ షేక్ హ్యాండ్ వివాదం తనకు బాధ కలిగించిందని ట్రావిస్ హెడ్ చెప్పాడు. ఆస్ట్రేలియా స్టార్ బ్యాటర్ ఐపీఎల్ 2026లో జరిగిన ఈ ఘటనపై స్పందించాడు. తమ మధ్య ఎలాంటి పర్సనల్ ఇష్యూ లేదని, అది మ్యాచ్ లో జరిగే రొటీన్ విషయమే అని స్పష్టం చేశాడు. కానీ ఆ ఘటన ప్రభావం తన కుటుంబంపై పడటం తనను ఎంతో బాధించిందని అన్నాడు.
Virat Kohli handshake dispute emotional impact
హైదరాబాద్ ఉప్పల్ స్టేడియంలో RCB vs SRH మ్యాచ్ సమయంలో ఈ ఘటన జరిగింది. మ్యాచ్ తర్వాత విరాట్ కోహ్లీ ట్రావిస్ హెడ్ కు షేక్ హ్యాండ్ ఇవ్వలేదు. ఆ వీడియో సోషల్ మీడియాలో వైరల్ అయ్యింది. దాంతో RCB ఫ్యాన్స్ ట్రావిస్ హెడ్, అతని వైఫ్ జెస్సికా హెడ్ ను ట్రోల్ చేయడం మొదలుపెట్టారు. ట్రావిస్ హెడ్ ఈ విషయాన్ని ఐపీఎల్ ముగిసిన రెండు నెలల తర్వాత చెప్పాడు.
ట్రావిస్ హెడ్ మాట్లాడుతూ అది జరిగిపోయిన ఘటన. మేం ఏమీ సరిదిద్దుకోవాల్సిన అవసరం లేదు. మ్యాచ్ లో ఇలాంటివి జరుగుతాయి. కానీ ఈ ఘటన ప్రభావం నా కుటుంబంపై పడటం నాకు బాధ కలిగించింది. నా వైఫ్ జెస్సికా ఇలాంటి విషయాలను అర్థం చేసుకుంటుంది. ఆమె ట్రోల్స్ ను పెద్దగా పట్టించుకోలేదు. కానీ నా వల్ల ఆమె ఇలాంటి సిట్యువేషన్ ఎదుర్కోవాల్సి రావడం నన్ను బాధించింది అని చెప్పాడు.
జెస్సికా కూడా ఈ ట్రోలింగ్ పై రియాక్ట్ అయ్యింది. వరల్డ్ కప్ తర్వాత ఎదుర్కొన్న వేధింపులు మళ్లీ వచ్చినట్లు అనిపించింది. ఉదయం లేచి సోషల్ మీడియా చూస్తే అసభ్యకర పదాలు కనిపించాయి. మా స్నేహితులు, కుటుంబం పై కూడా అటాక్స్ జరిగాయి. మానసిక ఆరోగ్యం విషయంలో అందరూ అవేర్ ఉండాలి. ఆటలో ఎమోషన్స్ సహజం. కానీ వెనుక ఓ కుటుంబం ఉంది. అందరూ సపోర్ట్ గా ఉండాలి అని ఆస్ట్రేలియన్ మీడియాకు చెప్పింది.
