తెలంగాణ రాజకీయాల్లో కొండా సురేఖ vs కడియం శ్రీహరి మాటల యుద్ధం హాట్ టాపిక్ గా మారింది. కాంగ్రెస్ నేత, మంత్రి కొండా సురేఖ తన ఇలాకాలో కడియం శ్రీహరి వేలేస్తున్నారని ఆగ్రహం వ్యక్తం చేశారు. దమ్ముంటే కడియం శ్రీహరి ఎమ్మెల్యే పదవికి రాజీనామా చేసి మళ్ళీ గెలిచి మంత్రి పదవి తెచ్చుకోవాలని సవాల్ విసిరారు. ఈ వివాదం ఇప్పుడు తెలంగాణ రాజకీయాల్లో హాట్ డిబేట్ గా మారింది.
మాజీ మంత్రి కడియం శ్రీహరి బీఆర్ఎస్ నుంచి ఎమ్మెల్యేగా గెలిచి కాంగ్రెస్ కు మద్దతు ఇస్తున్నారు. ఈ క్రమంలో ఆయన తన ఇలాకాలో సమీక్షా సమావేశాలు నిర్వహించడాన్ని కొండా సురేఖ ప్రశ్నించారు. దేవాదాయ శాఖ సమీక్షలో కడియం ఏకపక్షంగా వ్యవహరించారని ఆమె ఆరోపించారు. ఇదే విషయాన్ని టీపీసీసీ చీఫ్ మహేశ్ కుమార్ గౌడ్ కు కూడా ఫిర్యాదు చేశారు.
కడియం శ్రీహరి బుద్ధి ఎప్పుడూ ఇలాగే ఉంటుందని కొండా సురేఖ కామెంట్ చేశారు. 40 ఏళ్ల రాజకీయ అనుభవం, 15 ఏళ్లు మంత్రిగా పనిచేసిన ఆయనకు రూల్స్ తెలుసని, అందుకే తన చర్య తప్పు అని ఒప్పుకుంటారని అన్నారు. కానీ ఆయన తనపై ఎదురు దాడికి దిగడం సరి కాదని హితవు పలికారు. కడియంతో తాడోపేడో తేల్చుకుంటానని ఫైర్ అయ్యారు.
చివరగా కొండా సురేఖ క్లారిటీ ఇచ్చారు. పార్టీ ప్రతిష్టను దెబ్బతీసే వస్తువులను మొదట్లోనే అడ్డుకోవాలని మీడియా ముందుకు వచ్చి మాట్లాడినట్లు చెప్పారు. జిల్లాను డిస్టర్బ్ చేసినా, తనను బ్లేమ్ చేసినా ఊరుకునే ప్రసక్తే లేదని వార్నింగ్ ఇచ్చారు. ఈ వివాదం మరింత హాట్ గా మారే అవకాశం ఉంది.
ప్రశాంత్ – పక్కా ఫిల్మీ తెలుగు ఎడిటర్. తెలంగాణ, ఆంధ్రప్రదేశ్ రాజకీయాలు, తెలుగు సినిమా, క్రీడలు, ప్రభుత్వ పథకాలు మరియు ప్రజలకు ఉపయోగపడే వార్తలను సులభమైన తెలుగులో అందిస్తారు. ప్రతి వార్త మా ఎడిటోరియల్ పాలసీ ప్రకారం సమాచారం సరిచూసిన తర్వాతే ప్రచురించబడుతుంది. ఫాలో అవ్వండి — X: https://x.com/pakkafilmy007 | Telegram: https://t.me/pakkafilmytelugu | Instagram: https://instagram.com/pakkafilmy_
