పశ్చిమ గోదావరి జిల్లా భీమవరంలో వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి బుధవారం ఆక్వా రైతుల దయనీయ స్థితిపై జగన్ ఆవేదన వ్యక్తం చేశారు. ఆక్వా రంగంలో లక్షలాది మందికి ప్రత్యక్షంగా, పరోక్షంగా ఉపాధి లభిస్తోందని, అయితే ప్రస్తుతం ఈ సెక్టార్ తీవ్రమైన క్రైసిస్ను ఎదుర్కొంటోందని ఆయన అన్నారు. రైతులు పండించిన పంటకు కనీస గిట్టుబాటు ధర కూడా లభించక నష్టాల్లో మునిగిపోతున్నారని జగన్ తీవ్ర ఆవేదన వ్యక్తం చేశారు.
Aqua Farmers Face Tough Crisis
ఈ సందర్భంగా జగన్ మాట్లాడుతూ, కూటమి ప్రభుత్వం ఆక్వా రంగంపై చూపిస్తున్న నిర్లక్ష్యాన్ని తీవ్రంగా విమర్శించారు. గత వైసీపీ ప్రభుత్వ హయాంలో ఆక్వా రైతులకు అన్ని విధాల సపోర్ట్ అందించామని, కానీ ఇప్పుడు ప్రభుత్వం తమ నిర్లక్ష్యంతో రైతులను రోడ్డున పడేసిందని ఆయన ఆరోపించారు. దిగుబడి పెరిగినా, మార్కెట్లో డిమాండ్ లేక రైతుల పరిస్థితి దయనీయంగా ఉందని జగన్ అభిప్రాయపడ్డారు.
ఆక్వా రైతులతో ఇంటరాక్షన్ ప్రోగ్రామ్లో పలువురు రైతులు తమ సమస్యలను జగన్ దృష్టికి తీసుకెళ్లారు. గిట్టుబాటు ధరలు, విద్యుత్ సబ్సిడీలు సక్రమంగా అందకపోవడంతో తీవ్ర నష్టాల్లో ఉన్నామని రైతులు వాపోయారు. దళారుల దోపిడీకి అడ్డుకట్ట వేసే అధికారులు కూడా సాయం చేయడం లేదని వారు ఆవేదన వ్యక్తం చేశారు.
చివరగా, వైసీపీ ఎల్లప్పుడూ రైతు పక్షపాత పార్టీగా ఉంటుందని జగన్ స్పష్టం చేశారు. ఆక్వా రైతుల సమస్యలపై అసెంబ్లీ లోపల, వెలుపల పోరాటాన్ని ఉదృతం చేస్తామని ఆయన ప్రకటించారు. ఈ కార్యక్రమంలో పార్టీ ముఖ్య నాయకులు, మాజీ మంత్రులు, భారీ సంఖ్యలో స్థానిక ప్రజలు, రైతులు పాల్గొన్నారు.
