తెలంగాణ రాజకీయాల్లో ప్రస్తుతం హైడ్రా వివాదం అనేది హాట్ టాపిక్ గా మారింది. సీఎం రేవంత్ రెడ్డి మరియు బీఆర్ఎస్ నేత కేటీఆర్ మధ్య మాటల యుద్ధం రోజురోజుకు హెచ్చుతోంది. హైడ్రా పేరుతో ప్రభుత్వం చేస్తున్న చర్యలపై కోర్టు నుండి తీవ్రమైన వ్యాఖ్యలు వచ్చాయి. కమిషనర్ రంగనాధ్ ను తొలగించాలని హైకోర్టు ఆదేశించినా, సీఎం మాత్రం హైడ్రా నుండి వెనక్కి తగ్గేది లేదని స్పష్టం చేశారు. ఇద్దరి మధ్య ఈ పోలీటికల్ డ్రామా రాష్ట్రవ్యాప్తంగా చర్చనీయాంశంగా మారింది.
HYDRA వివాదం: రాజకీయ హీట్ పెరుగుతోంది
గత ఏడాది జులైలో ప్రభుత్వం హైదరాబాడ్ డిజాస్టర్ రెస్పాన్స్ అండ్ అసెట్స్ ప్రొటెక్షన్ ఫోర్స్ (హైడ్రా) ను ఏర్పాటు చేసింది. జలవనరులు, ప్రభుత్వ ఆస్తులను రక్షించాలనేది ఉద్దేశం అయినా, ఇది మొదటి నుండి వివాదాల్లోనే ఉంది. బడా బాబుల భవనాలను వదిలేసి పేదల గుడిసెలపై దాడి చేస్తున్నారని పెద్ఎత్తున ఆరోపణలు వచ్చాయి. ఇప్పుడు ఈ ఇష్యూ కాంగ్రెస్ ప్రభుత్వానికి తలనొప్పిగా మారింది. కమిషనర్ రంగనాధ్ దూకుడు వల్లే ఈ పరిస్థితి వచ్చిందని పార్టీ శ్రేణులు గుసగుసలాడుతున్నాయి.
కోర్టు ధిక్కారం కేసులో హైడ్రా కమిషనర్పై ఇప్పటివరకు 63 పిటిషన్లు దాఖలయ్యాయి. ఇళ్ళు కూల్చేసేటప్పుడు కోర్టు ఆర్డర్లను కూడా పట్టించుకోలేదని ఆరోపణలు ఉన్నాయి. అందుకే కమిషనర్ ను తొలగించాలని ప్రభుత్వ ప్రధాన కార్యదర్శికి కోర్టు ఆదేశించింది. చట్టపరమైన నిబంధనలు పాటించకపోతే హైడ్రానే రద్దు చేయాల్సి వస్తుందని కూడా కోర్టు తీవ్ర వ్యాఖ్యలు చేసింది. దీంతో ప్రభుత్వం ఇబ్బందికర పరిస్థితిలో పడింది.
సీఎం రేవంత్ మాత్రం ఈ విషయంలో బ్యాక్ఫుట్ తీసుకోవడం లేదు. కమిషనర్ పై 63 పిటిషన్లు వేస్తే, గతంలో సోమేశ్ కుమార్పై 400 పిటిషన్లు వచ్చాయని కౌంటర్ ఇచ్చారు. హైడ్రా కొనసాగుతుందని, దాన్ని రద్దు చేసే ప్రశ్నే లేదని స్పష్టం చేశారు. ఇదిలా ఉండగా, బీఆర్ఎస్ వర్కింగ్ ప్రెసిడెంట్ కేటీఆర్ మాత్రం అధికారంలోకి వస్తే హైడ్రాను రద్దు చేస్తామని ప్రకటించారు. హైడ్రా పేరుతో భారీ అవినీతి జరుగుతోందని, ఇది బ్లాక్ మెయిల్ రాజకీయాలకు ఉపయోగపడుతోందని ఆరోపించారు.
రాబోయే ఎన్నికలలో హైడ్రా ఒక ప్రధాన అంశంగా మారడం ఖాయమని రాజకీయ విశ్లేషకులు చెప్తున్నారు. కాంగ్రెస్ శ్రేణులు మాత్రం కోర్టు తీర్పుతోనైనా సీఎం వెనక్కి తగ్గాలని, లేకపోతే మూల్యం చెల్లించుకోవాల్సి వస్తుందని ఆందోళన వ్యక్తం చేస్తున్నారు. మొత్తం మీద ఈ హైడ్రా వివాదం తెలంగాణ రాజకీయాల్లో మరో సంచలనానికి దారి తీసింది. https://x.com/pakkafilmy007/status/1600352362639822848
